21.08.2026 | 22:51
Մարմնամարզիկ Արթուր Ավետիսյանը՝ Եվրոպայի չեմպիոն
ԱՄՆ-ը պատրաստվում է Ուկրաինա ռազմական օգնությամբ լրացուցիչ բեռներ ուղարկել
Քաղաքականություն
25.01.2022 | 22:16
ԱՄՆ-ը ռազմական աջակցության նոր բեռներ է ուղարկելու Ուկրաինա։ Այս մասին CNN-ի եթերում հայտարարել է Պենտագոնի ներկայացուցիչ Ջոն Քիրբին, գրում է ՏԱՍՍ-ը։
«Մենք շարունակում ենք Ուկրաինային օգնություն ցուցաբերել անվտանգության ոլորտում։ Մենք արդեն 3 բեռ օգնություն ենք ուղարկել վերջին մի քանի օրվա ընթացքում։ Սպասվում են նոր մատակարարումներ»,- ասել է Քիրբին։
Նա նշել է, որ Եվրոպա 8,500 զինվորական ուղարկելու ժամկետները դեռ որոշված չեն։
«Մենք այդ հարցի պատասխան չունենք։ Երեկ ուղղակի նրանց բարձր պատրաստության վիճակի ենք բերել՝ կարճ ժամկետներում ուղարկելուն համապատասխան։ Սակայն ուղարկելու հրաման չկա։ Դժվար է ասել՝ դա երբ տեղի կունենա, շատ բան կախված է Վլադիմիր Պուտինի գործողություններից»,- ասել է Քիրբին՝ չբացառելով, որ Եվրոպա ուժեր ուղարկելը կարող է տեղի ունենալ մինչև Ուկրաինա Ռուսաստանի ներխուժումը։
Պենտագոնի ներկայացուցիչը նաև չի բացառել, որ առաջիկա օրերին ու շաբաթներին ամերիկյան լրացուցիչ զինվորական ուժեր կարող են բերվել բարձր պատրաստության վիճակի։
Էմմա Չոբանյան
