16.02.2026 | 12:03
«Խաղաղության կամուրջ» նախաձեռնության հայաստանյան անդամների մամուլի ասուլիսը՝ ՈՒՂԻՂ
Մեկնարկել է բռնցքամարտի Հայաստանի առաջնությունը
25.01.2022 | 23:07
Այսօր՝ հունվարի 25-ին, «Դինամո» մարզահամալիրում մեկնարկել է բռնցքամարտի Հայաստանի մեծահասակների առաջնությունը:
Հայաստանի առաջնությանն ավելի քան 80 բռնցքամարտիկ կմասնակցի Երևանից, Գյումրիից, Վանաձորից և հանրապետության այլ մարզերից:
Երեկ կայացել են մրցաշարի կշռման արարողությունն ու վիճակահանությունը:
Հայաստանի առաջնության արդյունքների հիման վրա ձևավորվելու է հավաքականը, որը մայիսին Երևանում կմասնակցի Եվրոպայի առաջնությանը:
Բռնցքամարտի Հայաստանի հավաքականի գլխավոր մարզիչ Կարեն Աղամալյանը հույս է հայտնում, որ առաջնությունից հետո վնասվածքներ չեն լինի, և բռնցքամարտիկները պատրաստ կլինեն հետագա մարզումներին:
Ինչ վերաբերում է Երևանում կայանալիք Եվրոպայի առաջնությանը, մարզիչը փաստում է, որ սպասելիքներն ու պատասխանատվությունը շատ մեծ են. «Կաշխատենք պատվով հանդես գալ: Տղաները շատ ոգևորված են, վստահ եմ՝ ավելի լավ կպատրաստվեն, չնայած մինչ այս էլ դժգոհություն չունեմ իրենց մարզումներից»:
Բռնցքամարտի Եվրոպայի առաջնությունը կկայանա մայիսի 21-31-ը Երևանում, իսկ Հայաստանի առաջնությունը կտևի մինչև հունվարի 29-ը:
