29.06.2026 | 12:45
ԲՀԿ-ի համար պետք է կիրառելի լիներ ոչ թե 4 տոկոսի շեմը, այլ 8 կամ 10 տոկոսի շեմը. Սուրեն Գրիգորյան․ ՏԵՍԱՆՅՈՒԹ
Իրանի ԱԳ նախարարը հայտարարել է, որ իրանա-ադրբեջանական հարաբերություններում «կարևոր իրադարձություններ են սպասվում»
Քաղաքականություն
25.01.2022 | 12:55
Իրանա-ադրբեջանական հարաբերություններում կարևոր իրադարձություններ են սպասվում։ Այս մասին հայտարարել է Իրանի ԱԳ նախարար Հուսեյն Ամիր Աբդոլլահիանը ադրբեջանական APA գործակալության հետ զրույցում։
Նա նշել է, որ Իրանի և Ադրբեջանի հարաբերությունները շատ լավ մակարդակում են։
Աբդոլլահիանը մեկնաբանել է նաև Իրանի ճանապահների ու քաղաքաշինության նախարարի այցն Ադրբեջան, ինչպես նաև Ադրբեջանի պաշտպանության նախարարի այցն Իրան․ «Երկու երկրների տարբեր պաշտոնատար անձանց փոխադարձ այցերը ցույց են տալիս, որ մեր հարաբերությունները գտնվում են ճիշտ և լավ ուղղության վրա»։
Իրանցի պաշտոնյան հիշեցրել է, որ իր Բաքու այցի ընթացքում հանդիպել է Ադրբեջանի նախագահ Իլհամ Ալիևին՝ հավելելով, որ դրանից հետո երկու երկրների հարաբերություններում կարևոր իրադարձություններ են տեղի ունենում։
Հավելենք, որ նախօրեին Իրանի ճանապարհների և քաղաքաշինության նախարարն իր այցը Ադրբեջան սկսել էր Արցախի գրավյալ Վարանդայից․ իրանական պատվիրակության ինքնաթիռը վայրէջք էր կատարել տեղի օդանավակայանում։
Էմմա Չոբանյան
