26.11.2024 | 23:20
Ադրբեջանում պահեստազորի սպաները բողոքի ակցիա են անցկացրել՝ պահանջելով իրենց հասանելիք վճարումները
ԱՄՆ-ը ոչ մի զիջում չի անի ՌԴ-ին և փոխադարձ քայլեր է պահանջում․ Պետքարտուղարություն
Քաղաքականություն
25.01.2022 | 15:19
ԱՄՆ-ը ոչ մի զիջում չի անի Ռուսաստանին, Վաշինգտոնը փոխադարձ քայլեր է պահանջում Մոսկվայից։ Այս մասին ճեպազրույցի ժամանակ հայտարարել է ԱՄՆ Պետքարտուղարության պաշտոնական ներկայացուցիչ Նեդ Փրայսը։
«Առանցքային կետն այն է, որ մեր ձեռնարկած ցանկացած քայլ զիջում չի լինի։ Դրանք պետք է լինեն փոխադարձ հիմքի վրա, ինչը նշանակում է, որ ռուսները նույնպես պետք է քայլեր ձեռնարկեն, որոնք կօգնեն բարելավել մեր անվտանգությունը, մեր անվտանգային կեցվածքը»,- ասել է Փրայսը։
Նա, միաժամանակ, նշել է, որ ԱՄՆ-ը պատրաստ է երկխոսության։
«Մենք հետևողականորեն ասել ենք, որ պատրաստ ենք երկխոսության և դիվանագիտության, և մենք երկխոսության մեջ ենք Ռուսաստանի Դաշնության հետ, իհարկե՝ իմանալով, որ ռուսները հրապարակել են իրենց երկու պայմանները: Դրանցում կան որոշակի տարրեր, որոնց վերաբերյալ մենք բազմիցս ասել ենք, որ բացարձակապես իրատեսական չեն, ներառյալ՝ ՆԱՏՕ-ի «Բաց դռների» քաղաքականությունից հրաժարումը։ Բայց կան նաև այլ ոլորտներ, որտեղ երկխոսությունը և դիվանագիտությունը կարող են օգնել բարելավել մեր հավաքական անվտանգությունը, անդրատլանտյան անվտանգությունը»,- ընդգծել է Պետքարտուղարության խոսնակը։
Տաթև Ֆռանգյան
