15.12.2024 | 21:00
Այսօր երիտասարդներն ավելի ինքնուրույն են, բայց պակաս տեղեկացված. ապաքաղաքական զրույց Անուշ Ասլիբեկյանի հետ․ ՏԵՍԱՆՅՈՒԹ
Ադրբեջանի նախագահի հետ համաձայնվել ենք սկսել երկաթուղու կառուցումը, 200 մլն դոլար կծախսի ՀՀ-ն. ՏԵՍԱՆՅՈւԹ
Քաղաքականություն
24.01.2022 | 22:35
Տարածաշրջանում եթե հաջողվի բացել կոմունիկացիաները, այդ թվում, Հայաստան-Թուրքիա սահմանը, ապա դա նշանակում է, որ Հայաստանը Ռուսաստանի, Եվրոպայի, Իրանի, Չինաստանի հետ ստանում է երկաթուղային կապ՝ իր բոլոր տնտեսական հետևանքներով: Այս մասին ԶԼՄ-ների և հասարակական կազմակերպությունների ներկայացուցիչների համար կազմակերպված առցանց ասուլիսի շրջանակում ասաց Հայաստանի վարչապետ Նիկոլ Փաշինյանն՝ անդրադառնալով Երասխ-Ջուլֆա- Օրդուբադ-Մեղրի-Հորադիզ երկաթուղու հնարավոր գործարկման մասին հարցին:
«Բրյուսելյան հանդիպումից հետո ես ասացի, որ Ադրբեջանի նախագահի հետ այդ հարցում ձեռք ենք բերել համաձայնություն այն մասին, որ պետք է սկսենք երկաթուղու կառուցումը: Իմ որոշմամբ արդեն աշխատանքային խումբ է ստեղծվել: Այն հատվածները, որոնք մենք պետք է կառուցենք, առնվազն տասնյակ անգամով ավելի էժան է: Այստեղ բարդություն չեմ տեսնում, նախնական գնահատականով 200 մլն դոլար և 5 մլն դոլար ներդրման մասին է: Հայաստանի համար շատ ծանր բեռ չէ: Շատ միջազգային դոնորներ մեծ հետաքրքրություն են ցուցաբերում: Եվ շատ հնարավոր է, որ լինեն այնպիսի կոմբինացիաներ, որ նույնիսկ Հայաստանի պետական բյուջեից փող ներդնելու անհրաժեշտություն չլինի»,-ասաց Նիկոլ Փաշինյանը:
ՀՀ վարչապետի խոսքով, կան միջազգային կազմակերպություններ, որոնք հետաքրքրված են նախագծով, ցանկանում են ներդրում կատարել, շահագործել, պատրաստ են ֆինանսավորել: Նիկոլ Փաշինյանը նշեց, որ գործնականում երկաթուղու կառուցման նախապատրաստական աշխատանքները սկսված են:
«Եթե մեզ հաջողվի տարածաշրջանի կոմունիկացիաները, այդ թվում, Հայաստան- Թուրքիա սահմանը բացել, ապա Հայաստանը Եվրոպայի, Իրանի Ռուսաստանի Չինաստանի հետ ստանում է երկաթուղային կապ՝ իր բոլոր տնտեսական հետևանքներով: Խաղաղության օրակարգ ասելով՝ մենք սա նկատի ունենք: Տրանզիտային հսկայական հոսքերի մասին է խոսքը գնում՝ Պարսից ծոցից դեպի Սև ծով, Միջին Արևելքից դեպի Ռուսաստան: Այս ընդհանուր նախագիծը խաղաղության օրակարգի հիմք կարող է լինել»,- նշեց Փաշինյանը:
Մանրամասները՝ տեսանյութում:
