19.11.2024 | 22:26
ՌԴ-ում նախկին պատգամավորին «ֆեյքերի» գործով հեռակա կարգով դատապարտել են 8 տարվա ազատազրկման
ՀՀ ոչ մի ղեկավար կասկածի տակ չի դրել հայ-թուրքական սահմանը․ չենք հրաժարվել այդ քաղաքականությունից․ ՏԵՍԱՆՅՈՒԹ
Քաղաքականություն
24.01.2022 | 22:16
Հայաստանի Հանրապետությունը երբեք Հայ դատի քաղաքականություն չի վարել: ԶԼՄ-ների և հասարակական կազմակերպությունների ներկայացուցիչների համար կազմակերպված առցանց ասուլիսի շրջանակում այս մասին նշեց ՀՀ վարչապետ Նիկոլ Փաշինյանը՝ պատասխանելով հարցին, թե հնարավոր է արդյոք, որ Հայաստանը հրաժարվի Հայ դատից և սառեցնի համահայկական օրակարգի թեմաները՝ ընդառաջելով թուրքական նախապայմաններին ու արդյոք Հայաստանը պատրաստ է ճանաչել Թուրքիայի տարածքային ամբողջականությունը և Կարսի պայմանագրով հաստատված սահմանները:
«Ավելին, օրինակ 2005 թվականին Ռոբերտ Քոչարյանը հայտարարել է, որ Հայաստանը Թուրքիայից տարածքային պահանջներ ու հավակնություններ չունի: Ըստ էության, այս հայտարարության հղում է արել նաև Սերժ Սարգսյանը: Այսինքն, Հայ դատը երբեք Հայաստանի քաղաքականություն չի եղել, ՀՀ-ն երբեք Հայաստան-Թուրքիա սահմանը կասկածի տակ չի առել: Դուք չեք գտնի Հայաստանի որևէ ղեկավար կամ կառավարություն, որը կասկածի տակ է դրել հայ-թուրքական սահմանը: Մենք այս քաղաքականությունից չենք հրաժարվելու»,- հայտարարեց վարչապետը:
Նա ընդգծեց, որ Հայոց ցեղասպանության ճանաչման խնդրի վերաբերյալ դիրքորոշումն արտահայտված է կառավարության ծրագրում: «Այնուամենայնիվ, պետք է արձանագրենք, որ Ցեղասպանության ճանաչման գործընթացի լոկոմոտիվը միշտ էլ եղել է Սփյուռքն ու Սփյուռքի կազմակերպությունները»,- հավելեց վարչապետը:
Մանրամասները՝ տեսանյութում:
