24.03.2026 | 22:02
Բեռլինում 90-ամյա թոշակառուն շահել է 1,5 միլիոն եվրո
Եթե ես լինեի գործող լրագրող, ինձ չէի վերագրի այդ հայտարարությունը․ Փաշինյանը՝ թիմակցի «վերբալ մարմնավաճառ» արտահայտության մասին. ՏԵՍԱՆՅՈւԹ
Քաղաքականություն
24.01.2022 | 22:21
Հայաստանի վարչապետ Նիկոլ Փաշինյանն առցանց մամուլի ասուլիսի ժամանակ անդրադարձավ «Քաղաքացիական պայմանագրի» պատգամավոր Վահագն Ալեքսանյանի բնորոշմանը. օրեր առաջ պատգամավորն ԱԺ ամբիոնից հայտարարեց, որ որոշ լրագրողներ, որոնք շեղվում են իրենց մասնագիտական պարտքը կատարելուց, «վերբալ մարմնավաճառներ» են:
«Վահագն Ալեքսանյանի խոսքերը պետք չէ կոնտեքստից կտրել, նա բոլորովին ուրիշ բան է ասել, նա անդրադարձել է բռնության քարոզին, ապօրինության քարոզին։ Եթե ես լինեի գործող լրագրող, ես այդ հայտարարությունն ինձ չէի վերագրի, եթե ես իմ մասնագիտությանը ծառայում եմ ազնիվ», – ասաց վարչապետը՝ հավելելով, որ Ալեքսանյանը տվել է քաղաքական գնահատական:
Փաշինյանը նշեց, որ ՀՀ լրատվամիջոցները կառավարությունից թափանցիկություն են պահանջում, բայց իրենք հաշվետողական չեն։ Այդ իսկ պատճառով կառավարությունը օրինագիծ է ընդունում ԶԼՄ ֆինանսական աղբյուրների բացահայտման մասին։
Մանրամասները՝ տեսանյութում:
