10.10.2026 | 18:45
Քննարկվել են Հայաստան–Կորեա համագործակցությանն առնչվող հարցեր
Ռոման Պրոտասևիչը պատմել է իր խափանման միջոցը փոխելու մասին
Քաղաքականություն
24.01.2022 | 22:20
Բելառուսում ծայրահեղական ճանաչված Nexta Telegram ալիքի հիմնադիրներից Ռոման Պրոտասևիչը հայտնել է, որ լքել է տնային կալանքի վայրը և աշխատանքի է անցել մարդու իրավունքների պաշտպանության կենտրոնում, գրում է ՌԻԱ Նովոստին։
«Հետաքննությունը շարունակվում է, ես վերջին յոթ ամիսն անցկացրել եմ տնային կալանքի տակ։ Աշխատանք է հայտնվել… Ես կսկսեմ մեդիա գործունեությամբ զբաղվել Մարդու իրավունքների համակարգային պաշտպանության կենտրոնում»,- ասել է Պրոտասևիչը կենտրոնի տնօրեն Դմիտրի Բելյակովի YouTube-յան ալիքով հեռարձակման ժամանակ։
Նա նշել է, որ «նոր է լքել այն վայրը, որտեղ գտնվում էր տնային կալանքի տակ», երկուշաբթի առաջին օրն է, երբ դուրս է եկել տնից, և հույս ունի «հնարավորինս շուտ վերադառնալ աշխատանքային ռիթմի»։
Հիշեցնենք, որ Աթենքից Վիլնյուս թռչող Ryanair ինքնաթիռը 2021 թվականի մայիսի 23-ին հարկադիր վայրէջք էր կատարել Մինսկի օդանավակայանում՝ ահաբեկչության մասին հաղորդման պատճառով, որը հետագայում չի հաստատվել։ Պրոտասևիչը եղել է ինքնաթիռում և ձերբակալվել է փաստաթղթերի ստուգման ժամանակ։ Պրոտասևիչի դեմ քրեական գործ է հարուցվել մի քանի հոդվածներով, այդ թվում՝ 2020 թվականի նախագահական ընտրություններից հետո ցույցերի ժամանակ «զանգվածային անկարգությունների կազմակերպում» հոդվածով։ Նրան սպառնում է մինչև 15 տարվա ազատազրկում։ Սկզբում նա պահվել է Մինսկի քննչական մեկուսարանում, իսկ հետո տեղափոխվել տնային կալանք։
Տաթև Ֆռանգյան
