06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Ուկրաինայի հետախուզությունը հայտնել է Ռուսաստանից Դոնբաս տանկեր տեղափոխելու մասին
Քաղաքականություն
21.01.2022 | 19:01
Վերջին շաբաթների ընթացքում Ռուսաստանն ուժեղացնում է զինված խմբավորումներին Դոնբասի անջատողական շրջաններում և ակտիվորեն հավաքագրում վարձկանների, որոնք ինտենսիվ վերապատրաստում անցնելուց հետո ուղարկվում են չճանաչված Դոնեցկի և Լուգանսկի Ժողովրդական Հանրապետություններ («ԴԺՀ» և «ԼԺՀ»): Այդ մասին Facebook սոցիալական ցանցում հայտնել է Ուկրաինայի Պաշտպանության նախարարության գլխավոր հետախուզական վարչությունը, գրում է DW-ի ռուսական ծառայությունը։
Միաժամանակ, անջատականները պնդում են, որ Ուկրաինան Դոնբասում տեղակայել է ութ «Սմերչ» և «Ուրագան» հրթիռային համակարգեր։ ԴԺՀ-ից նշել են, որ Կիևը պատրաստվում է «ակտիվ ռազմական գործողություններ սանձազերծել» տարածաշրջանում, իսկ ուկրաինական բանակը նախապատրաստում է «դիվերսիոն գործողություններ կողմերի շփման գծի մոտ»։
ՌԴ նախագահի խոսնակ Դմիտրի Պեսկովը նախօրեին ասել է, որ «Ուկրաինան զենք է կուտակում»։ Հունվարի սկզբին ամերիկյան CNN հեռուստաալիքը հայտնել էր, որ Սպիտակ տունը հաստատել է Ուկրաինային 200 մլն դոլարի ռազմական օգնությունը, որի շրջանակում երկիրը կստանա ռադիոտեղորոշիչ համակարգ և ծովային տեխնիկա։
Տաթև Ֆռանգյան
