07.08.2026 | 23:37
Անձրև, ամպրոպ և ջերմաստիճանի նվազում. առաջիկա օրերի եղանակի կանխատեսումը
Ուկրաինայի օմբուդսմենը Վրաստանի ԱՆ-ին խնդրել է Սաակաշվիլիին որակյալ հոգեբանական վերականգնում տրամադրել
Քաղաքականություն
21.01.2022 | 22:31
Ուկրաինայի ժողովրդական պաշտպան Լյուդմիլա Դենիսովան դիմել է Վրաստանի արդարադատության նախարար Ռատի Բրեգաձեին՝ խնդրելով ապահովել Ուկրաինայի քաղաքացի Միխեիլ Սաակաշվիլիի որակյալ հոգեբանական և ֆիզիկական վերականգնումը։ Այս մասին Դենիսովան գրել է Facebook-ում՝ հայտնելով վրացի պատգամավորներ Լևան Բեժաշվիլիի և Թամար Կորձայայի հետ հանդիպման մասին, գրում է Գրուզիա օնլայնը։
Դենիսովայի խոսքով՝ հանդիպման ժամանակ ինքը մտահոգություն է հայտնել Միխեիլ Սաակաշվիլիի առողջական վիճակի վատթարացման կապակցությամբ, ինչը հաստատում է Վրաստանի հանրային պաշտպան Նինո Լոմջարիայի կողմից ստեղծված բժիշկների խորհուրդը։
«Ես վրացի խորհրդարանականներին տեղեկացրել եմ Վրաստանի արդարադատության նախարարին ուղղված իմ դիմումի մասին՝ միջոցներ ձեռնարկել Ուկրաինայի քաղաքացի Միխեիլ Սաակաշվիլիի որակյալ հոգեբանական և ֆիզիկական վերականգնումն ապահովելու համար։ Ես պատմել եմ Ռուսթավիի քրեակատարողական հիմնարկում Միխեիլ Սաակաշվիլիին այցելելու իմ պլանների մասին։ Դիմել եմ նաև Վրաստանի արդարադատության նախարարին՝ համապատասխան թույլտվություն տրամադրելու խնդրանքով»,- գրել է Դենիսովան։
Տաթև Ֆռանգյան
