18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
ՌԴ Պետդուման պատրաստ է քննարկել ԼԺՀ-ի և ԴԺՀ-ի ճանաչման հարցը․ Վոլոդին
Քաղաքականություն
21.01.2022 | 15:15
Պետդուման պատրաստ է քննարկել կոմունիստների կողմից ներկայացված բանաձևի նախագիծը, որով առաջարկվում է դիմում ուղարկել Ռուսաստանի նախագահին՝ Լուգանսկի և Դոնեցկի ժողովրդական հանրապետությունները որպես անկախ պետություններ ճանաչելու անհրաժեշտության վերաբերյալ։ Այս մասին հայտնել է ՌԴ խորհրդարանի ստորին պալատի խոսնակ Վյաչեսլավ Վոլոդինը, գրում է BBC-ի ռուսական ծառայությունը։
«Քննարկման առաջարկվող հարցը շատ լուրջ է և պատասխանատու: Այդ առումով ճիշտ կլինի հաջորդ շաբաթ խորհրդակցություններ անցկացնել խմբակցությունների ղեկավարների հետ և քննարկել այս նախաձեռնությունը»,- գրել է Վոլոդինը իր Telegram ալիքում։
Խորհրդակցությունների արդյունքներով, ըստ նրա, հարցը կարող է քննարկվել Պետդումայի խորհրդում։
Վոլոդինի խոսքով՝ Ուկրաինայի նախագահ Վլադիմիր Զելենսկին անտեսում է մինսկյան պայմանավորվածությունները, իսկ ՆԱՏՕ-ն «ուզում է օկուպացնել Ուկրաինան»։
«Ե՛վ մեկը, և՛ մյուսը կարող են վերածվել ողբերգության: Մենք դա չպետք է թույլ տանք: Մի բան բացարձակապես պարզ է՝ ԴԺՀ-ում և ԼԺՀ-ում մեր քաղաքացիների և հայրենակիցների անվտանգությունն ապահովելու լուծումներ պետք է փնտրել»,- ասել է Պետդումայի խոսնակը:
Տաթև Ֆռանգյան
