06.11.2024 | 23:22
Ժոզեպ Բորելը շնորհավորել է Դոնալդ Թրամփին և հայտարարել ուժեղ Եվրոպա ստեղծելու մասին
Արաբական կոալիցիան կրկին հարվածներ է հասցրել Եմենի մայրաքաղաքին
Քաղաքականություն
21.01.2022 | 14:39
Արաբական կոալիցիան՝ Սաուդյան Արաբիայի գլխավորությամբ, հունվարի 20-ին կրկին հարվածներ է հասցրել Եմենի մայրաքաղաք Սանային, հաղորդում է EADaily-ն։
Կոալիցիան պնդում է, որ հարվածներ է հասցրել Սանայում տեղակայված ռազմական օբյեկտներին։ Այն նաև Բայդա նահանգում բալիստիկ հրթիռի արձակման կայան է ոչնչացրել։
Բացի այդ, Սաուդյան Արաբիան և նրա դաշնակիցները ռմբակոծել են Հոդեյդա նավահանգիստը, որտեղ գտնվում են Անսար Ալլահի (հութիների) իրանամետ շարժման օբյեկտները։ Կոալիցիան պնդում է, որ հութիներն օգտագործում են Հոդեյդան իրանական զենք տեղափոխելու համար, իսկ ծովահեններն ու հանցագործ տարրերը տեղակայված են հենց նավահանգստում:
Հիշեցնենք, որ հութիներն ահաբեկչական հարձակում էին իրականացրել ԱՄԷ-ի մայրաքաղաք Աբու Դաբիում: Անօդաչու թռչող սարքի հարձակման հետևանքով երեք մարդ էր զոհվել, վեցը՝ վիրավորվել։ Աբու Դաբիի ոստիկանությունը հայտնել էր, որ մահացածներից մեկը Պակիստանի քաղաքացի է, երկուսը՝ Հնդկաստանի։
Տաթև Ֆռանգյան
