22.08.2026 | 10:01
ՀՀ տարածքում ավտոճանապարհներն անցանելի են
Հնդկական օվկիանոսում մեկնարկել են ՌԴ-ի, Իրանի և Չինաստանի զորավարժությունները
Քաղաքականություն
21.01.2022 | 13:40
Հնդկական օվկիանոսի հյուսիսային հատվածում այսօր մեկնարկել են Ռուսաստանի, Իրանի և Չինաստանի «Ծովային անվտանգության գոտի» համատեղ ռազմածովային զորավարժությունները։ Այս մասին հայտնում է Mehr գործակալությունը։
Նշվում է, որ իրանական կողմից զորավարժություններին մասնակցում են Իսլամական հեղափոխության պահապանների կորպուսի ռազմածովային ուժերի ստորաբաժանումները (ԻՀՊԿ, Իրանի զինված ուժերի էլիտար ստորաբաժանումներ) և իրանական բանակը։
«Ըստ ծրագրի՝ նախատեսվում են տարբեր մարտավարական զորավարժություններ, այդ թվում՝ փրկել այրվող նավը, ազատագրել առևանգված նավը և կրակել ծովային թիրախների վրա ցերեկը և գիշերը»,- ասել է Ծովային անվտանգության գոտու զորավարժությունների խոսնակ, ծովակալ Մոսթաֆա Թաջոդինին:
Հիշեցնենք, որ հունվարի 19-ին ՌԴ Խաղաղօվկիանոսյան նավատորմի արևելյան ռազմական օկրուգի մամուլի ծառայությունը հայտնել էր, որ ՌԴ Խաղաղօվկիանոսյան նավատորմի երեք նավ ժամանել է իրանական Չաբահար նավահանգիստ՝ մասնակցելու Իրանի, Ռուսաստանի և Չինաստանի համատեղ զորավարժություններին։
Տաթև Ֆռանգյան
