Եթե հացթուխն այնպես հաց թխի, ինչպես սերիալներում խաղում են դերասանները՝ հացը կտան գլխին. Մանուկյան. ՏԵՍԱՆՅՈՒԹ

ԱԺ «Քաղաքացիական պայմանագիր» խմբակցությունը Հեռուստատեսության և ռադիոյի հանձնաժողովի անդամ է առաջադրել Արթուր Մանուկյանին:

Նա  մասնագիտությամբ ռեժիսոր է, երաժիշտ, թատրոնի և կինոյի արտիստ, եղել է ԱԺ պատգամավոր:

Մանուկյանն իր ելույթում անդրադարձավ մեդիադաշտի խնդիրներին:

«Քաղաքացիական պայմանագիր» խմբակցության պատգամավոր Արմեն Խաչատրայնը մտահոգություն արահայտեց՝ հեռուստահաղորդումներում գիտահանրամատչելի հաղորդումների բացակայության և հեռուստասերիալների տարածվածության ու նրանց բովանդակության առնչությամբ: Պատգամավորը հետաքրքրվեց, թե թեկնածուն ինչպես է պատկերացնում այդ երևույթների և էստրադայում արաբական կլկլոցների դեմ պայքարը. «Դրանց դեմ գործուն ի՞նչ միջոցներ պետք է կիրառել»:

Ի պատասխան՝ Արթուր Մանուկյանը նշեց, որ դեմ է ինչ-որ բան արգելելուն. «Դա վերջին գործողություն է, որ կարելի է կիրառել: Կարծում եմ պետք է ստեղծել հնարավորություններ այն մարդկանց համար, ովքեր կարող են բովանդակություն առաջարկել մեր ժողովրդին»:

«Մեր սերիալները նայելով՝ կարելի է մտածել, որ հայ ժողովուրդն ունի երեք հույզ՝ մուննաթ, ագրեսիա ու վախ… Եթե հացթուխն այնպես հաց թխի, ինչպես սերիալներում խաղում են դերասանները, հացը կտան գլխին»,- նշեց ՀՌՀ թեկնածուն:

Մանուկյանը նշեց, որ պետք է սերտացնել ՀՌՀ-ի համագործակցությունը կրթության և մշակույթի ոլորտի հետ և տաղանդավոր մարդկանց ինքնադրսևորվելու հնարավորություն տալ:

Մանրամասները՝ տեսանյութում: