15.12.2024 | 14:24
Սոթքում 2022-ի ռազմական ագրեսիայից հետո բնակիչներին են հանձնվել նորակառույցների բանալիները. ՏԵՍԱՆՅՈՒԹ
Բլինքենը ՌԴ-ին սպառնացել է խիստ պատժամիջոցներով՝ Ուկրաինայի հետ սահմանը հատելու դեպքում
Քաղաքականություն
20.01.2022 | 22:00
ԱՄՆ դիրքորոշումը պարզ է՝ ՌԴ զինվորականները չպետք է հատեն Ուկրաինայի սահմանը, դրան կհաջորդեն խիստ պատժամիջոցներ։ Այս մասին հայտարարել է ԱՄՆ պետքարտուղար Էնթոնի Բլինքենը Բեռլինում Գերմանիայի ԱԳ նախարարի հետ հանդիպումից հետ, գրում է ՌԻԱ Նովոստին։
«Մենք հստակ ասել ենք, որ ռուս զինվորականների ցանկացած շարժ ուկրաինական սահման և ագրեսիայի նոր գործողություններ Ուկրաինայի դեմ կարժանանան ԱՄՆ-ի և մեր դաշնակիցների արագ, լուրջ և միասնական պատասխանին»,- ասել է Բլինքենը։
Նա հավելել է, որ կան շատ այլ գործիքներ, որոնք ուղիղ ռազմական գործողություններ չեն․ «Դրանք են ապակայունացումը, հիբրիդային հարձակումները, կիսառազմական մարտավարությունը, և մենք դրանք քննարկում ենք դաշնակիցների և գործընկերների հետ՝ խոսելով բոլոր տեսակի սցենարների մասին, որոնք կարող է Ռուսաստանն իրագործել, որպեսզի վերսկսի ագրեսիան Ուկրաինայի դեմ այս կամ այն ձևով, ապակայունացնել այն։ Եվ այս սցենարներից յուրաքանչյուրի համար մենք սերտ համագործակցում ենք, որ մշակենք մեր ընդհանուր պատասխանը»։
Ամերիկացի պաշտոնյան, սակայն, չի նշել, թե ինչ միջոցներ են ձեռնարկվելու դաշնակիցների կողմից։
Միաժանանակ, Բլինքենն ասել է, որ եթե պատժամիջոցներն անհրաժեշտ լինեն, համաձայնեցված են կիրառվելու։
Էմմա Չոբանյան
