08.06.2026 | 23:12
Երևանի և 8 մարզի մի շարք հասցեներում էլեկտրաէներգիաայի անջատումներ կլինեն
Թուրքիան Ադրբեջանի հետ 1 մլրդ եվրոյի արժույթի սվոփ համաձայնագիր է ստորագրելու․ Middle East Eye
Քաղաքականություն
20.01.2022 | 18:43
Թուրքիան առաջիկա շաբաթներին Ադրբեջանի հետ 1 մլրդ եվրոյի (1.14 մլրդ դոլար) արժույթի փոխանակման՝ սվոփ համաձայնագիր է ստորագրելու։ Այս մասին հայտնում է Middle East Eye-ը՝ վկայակոչելով իրավիճակին տեղյակ երկու թուրք պաշտոնյաների։
Նշվում է, որ այս համաձայնագիրը սվոփ գործարքներից մեկն է, որը Թուրքիան վերջերս կնքել է իր արժութային պահուստներն ուժեղացնելու նպատակով:
«Գործարքը գրեթե պատրաստ է։ Բյուրոկրատիան պարզապես ժամանակ է պահանջում»,- լրատվամիջոցին ասել է թուրք մի բարձրաստիճան պաշտոնյա։
Նշենք, որ նախօրեին Թուրքիան 5 մլրդ դոլարի նման համաձայնագիր է ստորագրել ԱՄԷ-ի հետ։ Անկարան հիմա ֆինանսական աջակցության կարիք ունի դոլարի նկատմամբ լիրայի արժեզրկումների պատճառով։
Չհաշված սվոփերն ու պարտավորությունները՝ Թուրքիայի Կենտրոնական բանկի միջազգային պահուստներն անցյալ ամիս 56 մլրդ դոլարով նվազել են, ինչը 2002 թվականից ի վեր ամենացածր ցուցանիշն է։
Էմմա Չոբանյան
