10.09.2026 | 21:29
Քաղաքական խորհրդակցություններ՝ ՀՀ-ի և Լեհաստանի արտաքին գերատեսչությունների միջև
Տեր-Պետրոսյանն այս իշխանությանը հետաքրքիր բնութագիր է տվել. Արամ Վարդևանյան. ՏԵՍԱՆՅՈՒԹ
Քաղաքականություն
20.01.2022 | 17:42
«Օրենքով, Սահմանադրության տրամաբանությամբ սահմանադրական մարմինների անդամները պետք է ունենան քաղաքական զսպվածություն»,- ՀՀ Հեռուստատեսության և ռադիոյի հանձնաժողովի անդամի պաշտոնում «Քաղաքացիական պայմանագիր» խմբակցության կողմից առաջադրված թեկնածու բանաստեղծ, թարգմանիչ Հակոբ Մովսեսի ընտրության հարցի քննարկման ժամանակ այս մասին նշեց «Հայաստան» խմբակցության պատգամավոր Արամ Վարդևանյանը:
Նա նշեց, որ Հակոբ Մովսեսն, իր հարցին պատասխանելով՝ հանրությանը, Ազգային ժողովին ազդակ տվեց, բառացորեն ասելով, որ համակրում է այս իշխանություններին:
«Սա նշանակում է՝ քաղաքական զսպվածություն չեք ցուցաբերում: Դրանով իսկ արդեն խնդիր ունենում ենք: Օրենքն ասում է՝ քաղաքական զսպվածություն պետք է ունենաք: Ձեր հայտարարությամբ դրա հետ կոնֆլիկտի մեջ մտաք»,- ասաց Վարդևանյանը:
Այնուհետև նա հիշեցրեց, որ Հակոբ Մովսեսը ՀՀ առաջին նախագահ Լևոն Տեր-Պետրոսյանի օրոք պաշտոնի է նշանակվել, նախարար է նշանակվել առաջին նախագահի հրամանագրով:
«Կարծում եմ՝ Հայաստանի յուրաքանչյուր նախագահ, ելնելով հենց իր նախագահի կարգավիճակից, արդեն իսկ ունի առանձնահատուկ կարգավիճակ: Լևոն Տեր-Պետրոսյանը տվել է շատ հետաքրքիր բնութագրում այս իշխանություններին: Ֆորմուլան հետևյալն է՝ «ազգակործան պատուհաս»:
Հետաքրքիր կլիներ իսկապես լսել ձեր կարծիքն այս ձևակերպման վերաբերյալ»,- նշեց Արամ Վարդևանյանը:
Մանրամասները՝ տեսանյութում:
