12.01.2025 | 22:00
Ընտրությունները կեղծվեցին, բայց մենք էլ չպատրաստվեցինք այնպես, ինչպես անհրաժեշտ էր․ Զուրաբիշվիլի
Կասկածում եմ, որ ՔՊ-ի ներկայացրած ՀՌՀ անդամի թեկնածու Արթուր Մանուկյանը քաղաքական չեզոքություն կպահի. ՏԵՍԱՆՅՈՒԹ
Քաղաքականություն
20.01.2022 | 16:51
«Կարո՞ղ են արդյոք «Քաղաքացիական պայմանագրի» կողմից առաջադրված ՀՌՀ անդամի թեկնածուները զսպել իրենց և քաղաքական չեզոքություն ցուցաբերել, ինչպես որ օրենքն է պահանջում, խիստ կասկածում եմ՝ հաշվի առնելով նրանց հետագիծը»,- ԱԺ ամբիոնից իր այս մտահոգության մասին բարձրաձայնեց «Հայաստան» խմբակցության պատգամավոր Արեգնազ Մանուկյանը:
Նա նշեց, որ թեկնածուներից Արթուր Մանուկյանը եղել է Երևանի ավագանու «Իմ քայլը» խմբակցության անդամ, ինչպես նաև ՀՀ ԱԺ պատգամավոր, և 2021թ. իր հարցազրույցներից մեկում հայտարարել է, որ հանդիսանում է ՔՊ-ի հիմնադիր անդամ և հավելել, որ երբեք քաղաքականությունից դուրս չի եղել, նույնիսկ այն ժամանակ, երբ ակտիվ քաղաքականության մեջ չի եղել:
«Ինձ մոտ լեգիտիմ հարց է առաջանում՝ ՔՊ այս թեկնածուն կարո՞ղ է զսպել իրեն և քաղաքական չեզոքությունցուցաբերել: Խիստ կասկածում եմ»,- ասաց պատգամավորը:
Մանուկյանը կասկած հայտնեց նաև ՔՊ մյուս թեկնածուի՝ Հակոբ Մովսեսի քաղաքական չեզոքության առնչությամբ՝ մեջբերելով 2018թ. նրա հայտարարությունից մի հատված. «Ջատագովն եմ նոր իշխանությունների, պետք է նրանց կողքին լինել, ամեն կերպ աջակցել, նպաստել, նույնիսկ թերությունների նկատմամբ բարյացակամ լինել»:
Մնուկյանը հավելեց, որ 2019-ին Հակոբ Մովսեսը հայտարարել է. «Այսօր շատ են բողոքում, որ անձի պաշտամունք է ձևավորվում, ես դրա համար շատ ուրախ եմ, կարծում եմ, որ ժողովուրդը վերջապես գտել է մի լիդեր, մի առաջնորդ, որին սիրում է, դա վա՞տ բան է, որ անձի պաշտամունք է առաջանում»:
«Փաստորեն դուք գովաբանում եք անձի պաշտամունքը,- դիմելով թեկանծուին, նշեց պատգամավորը , պարո՛ն Հակոբ Մովսես, դուք պաշտո՞ւմ եք Նիկոլ Փաշինյանին»:
Մանրամասները՝ տեսանյութում:
