29.06.2026 | 00:59
ԱԱ-2026. Վերջին վայրկյաններին հաղթական գոլ` փլեյ-օֆֆի մեկնարկային խաղում. ՏԵՍԱՆՅՈՒԹ
ԼՂ-ում ռուս խաղաղապահները զորավարժություններ են անցկացրել․ դիրքերի վրա հարձակումը հետ մղելու տարբերակներ են մշակվել
Քաղաքականություն
20.01.2022 | 16:25
Ռուս խաղաղապահները Լեռնային Ղարաբաղի դիտակետերում կանոնավոր վարժանքներ են անցկացրել։ Խաղաղապահ զորախմբի զինվորականները զորավարժությունների ժամանակ գործողություններ կատարելիս վարժանքներ են իրականացրել կրակակետերում՝ դիրքերը պաշտպանելու համար, հայտնում են ՌԴ ՊՆ-ից։
«Քանի որ վերջին շրջանում կողմերի սահմանազատման գծում արտակարգ իրավիճակների դեպքերը հաճախակիացել են, ռուսական խաղաղապահ կոնտինգենտի զինվորականները վերապատրաստվում են ժամանակակից սպառազինության և ռազմական տեխնիկայի կիրառմամբ։ Խաղաղապահները նաև տարբերակներ են մշակում՝ դիրքերի վրա հարձակումը հետ մղելու համար»,- ասել է ռուսական խաղաղապահ զորակազմի ներկայացուցիչ Միխայիլ Եժովը։
Տեղեկացվում է, որ ազդանշանը ստանալուն պես խաղաղապահներն արագորեն պաշտպանական դիրքեր են զբաղեցրել նախապես պայմանավորված դիրքերում։ Դիրքի պաշտպանությունն ուժեղացնելու համար ներգրավվել են ԲՏՌ-82Ա զրահափոխադրիչների հերթապահ ստորաբաժանումները։
Տաթև Ֆռանգյան
