29.06.2026 | 11:27
Պատ, դուռ, պատուհան չպիտի լինի, հենց բոլորը տեղափոխվեցին վթարային շենքը միանգամից պիտի քանդվի․ ՏԵՍԱՆՅՈՒԹ
Թուրքիայում հազարավոր մարդիկ ձնաբքի հետևանքով մնացել են ճանապարհներին արգելափակված. ԼՈՒՍԱՆԿԱՐՆԵՐ
Քաղաքականություն
19.01.2022 | 22:09
Թուրքիայի հարավարևելյան Գազիանթեփ նահանգում մայրուղու վրա հազարավոր մարդիկ մնացել են մեքենաներում արգելափակված, քաղաքը կաթվածահար է եղել ձյան առատ տեղումների, ձնաբքի պատճառով, գրում են թուրքական լրատվամիջոցները։
Մարդիկ երեկվանից մնացել են Տարսուս-Ադանա-Գազիանթեփ մայրուղում։ Ճանապարհների գլխավոր վարչությունից հայտնել են, որ երթևեկությունը 115 տեղանքում դադարեցվել է ձնաբքի պատճառով։
Շատ մարդիկ սոցիալական ցանցերի միջոցով են օգնություն խնդրում՝ լուսանկարներ ու տեսանյութեր հրապարակելով։
Գազիանթեփի նահագնապետ Դավուդ Գյուլն ասել է, որ իշխանությունները սնունդ են բաժանել 7000 մարդու, որոնք մնացել են մայրուղում։ Նա նաև նշել է, որ 2000-ից ավելի մարդու են փրկել։ Ըստ նրա՝ ձյան բարձրությունը նահանգում կազմել է 40 սմ։
Աղետների ու արտակարգ իրավիճակների կառավարման նախագահությունը հայտարարել է, ավելի քան 700 գյուղի ճանապարհներ հարավարևելյան ու հյուսիսարևմտյան շրջաններում փակ են վատ եղանակի պատճառով։ Թուրքիայի 81 նահանգից 47-ում դպրոցներում դասերը դադարեցվել են։
Պետական օդերևութաբանական ծառայության հաղորդմամբ՝ փյան առատ տեղումները շարունակվելու են։
Էմմա Չոբանյան
