17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Ադրբեջանի ԶՈւ գլխավոր շտաբի պետն այցելել է Արցախի գրավյալ տարածքների զորամասեր
Քաղաքականություն
19.01.2022 | 23:01
Ադրբեջանի ԶՈՒ-ի գլխավոր շտաբի պետ, պաշտպանության նախարարի առաջին տեղակալ Քերիմ Վելիևն այցելել է Արցախի գրավյալ տարածքներում տեղակայված զորամասեր։ ՊՆ-ին վկայակոչելով՝ այս մասին գրում են ադրբեջանական լրատվամիջոցները։
Նշվում է, որ ԳՇ պետը ծանոթացել է զորքերի ծառայության կազմակերպմանն ու անձնակազմերի սոցիալ-կենցաղային պայմաններին։
Վելիևը նաև մասնակցել է զորամասների հրամատարների ու նրանց տեղակալների ուսումնամարզական հավաքին։
«Նշվել է, որ հավաքների հիմնական նպատակը սպաների տեսական գիտելիքների ու պրոֆեսիոնալիզմի կատարելագործումն է՝ ժամանակակից մարտի ու ստորաբաժանումների վարման, ինչպես նաև մարտական աշխատանքի կազմակերպման հարցում որոշումներ կայացման և կազմակերպչական հմտությունների գործում»,- ասվում է հաղորդագրության մեջ։
Հավաքի ընթացքում ունեցած ելույթում Վելիևը հրամանատարական կազմի ուշադրությունն է հրավիրել բանակում իրականացվող բարեփոխումների հետ կապված առաջիկա խնդիրների կատարման կարևորության վրա։
Էմմա Չոբանյան
