«Վարչապետը Ձեր «պասի» կարիքը չունի». Փաշինյանը չպատասխանեց՝ առանց Արցախ Հայաստան կա՞, թե՝ ոչ. ՏԵՍԱՆՅՈՒԹ

Լուրեր

17.11.2026 | 23:25
Հայաստանի մի շարք հասցեներում էլեկտրաէներգիայի անջատումներ կլինեն
17.11.2026 | 23:10
25-ամյա հետախուզվողը հայտնաբերվել և ձերբակալվել է մայրաքաղաքում
17.11.2026 | 22:53
Սևանա լճի մակարդակը մեկ շաբաթում նվազել է 1 սանտիմետրով
17.11.2026 | 22:39
Ադրբեջանում առաջարկում են է՛լ ավելի խստացնել ՀԿ-ների գործունեությանը վերաբերող օրենսդրությունը
17.11.2026 | 22:22
Կյանքից հեռացել է ՀՀ ժողովրդական արտիստ Հակոբ Ազիզյանը
17.11.2026 | 22:08
Դատարանը վարույթ ընդունեց հայցադիմումը․ ընտրություններից 12 օր առաջ ԸԸՀ-ն պահանջում է չեղարկել թեկնածուի գրանցումը
17.11.2026 | 21:56
ԱՄՆ-ն խստացնում է արհեստական բանականության առաջադեմ չիպերի արտահանման կանոնները՝ Nvidia-ի ղեկավարի շուրջ սկանդալից հետո
17.11.2026 | 21:40
Ադրբեջանն ու Վրաստանը համատեղ զորավարժությունների անցկացման հարցեր են քննարկել
17.11.2026 | 21:28
Տեղի են ունեցել ՀՀ-ԳԴՀ պաշտպանական խորհրդակցությունները
17.11.2026 | 21:15
Ընդդիմությունն ունի բոլոր շանսերը՝ թույլ չտալու սահմանադրական հանրաքվե, հուսանք՝ մանդատագողություն չի լինի․ Դավիթ Խաժակյան. ՏԵՍԱՆՅՈՒԹ
17.11.2026 | 21:08
Ինչ է քննարկվել «Հարավկովկասյան երկաթուղու» կոնցեսիոն կառավարման հարցով հանդիպմանը
17.11.2026 | 20:56
Աննա Հակոբյանն ընդվզման կոչ է անում․ ով է պատասխանատու խցանումների համար. ՏԵՍԱՆՅՈՒԹ
17.11.2026 | 20:44
Լրագրողական հետաքննությունը բացահայտել է Deutsche Bank-ի կապերը ռուսաստանցի օլիգարխների, Ջեֆրի Էփշթեյնի և Դոնալդ Թրամփի հետ
17.11.2026 | 20:30
Ունեմ վարկած՝ Արմեն Գրիգորյանը կատարում է Փաշինյանի հանձնարարությունը՝ պատրաստելու շրջադարձն արևմտամետ կուրսից․ Լևոն Զուրաբյան. ՏԵՍԱՆՅՈՒԹ
17.11.2026 | 20:19
20։10-ի դրությամբ, Նոյեմբերյանի և Բերդի տարածաշրջանների ավտոճանապարհներին մառախուղ է
Բոլորը

Ազգային ժողովի «Հայաստան» խմբակցության պատգամավորԱրթուր Ղազինյանն այսօր կառավարության հետ հարցուպատասխանի ժամանակ մեջբերեց Արցախի հերոս Մոնթե Մելքոնյանի խոսքերը. «Եթե մենք կորցնենք Արցախը, մենք կշրջենք մեր պատմության վերջին էջը»:

«Մոնթեն, բացի խոսքից, նաև գործով ապացուցեց իր այս հայկական շահի բացահայտ ու էքսկլյուզիվ արտացոլումը:

Դրանից 28 տարից անց` 2020 թվականի հոկտեմբերի 21-ին հնչեց մեկ այլ միտք`«Առանց Արցախ Հայաստան չկա»: Սա ևս ընկալում եմ հայկական շահի ներկայացուցչություն, սական ի տարբերություն Մոնթեի, այստեղ խոսքի ու գործի միջև որոշակի տարբերություն կա, նաև, հետագայում պարզվեց, որ խոսքի ու խոսքի տարբերություն կա, որովհետև 2021 թվականի նոյեմբերի 22-ին «Առանց Արցախ Հայաստան չկա» խոսքի հեղինակը, որը Նիկոլ Փաշինյանն է, հայտարարեց, որ «Արցախը մեզ համար ոչ թե տարածք է, այլ` իրավունք»:

Կխնդրեմ, որ պարոն Փաշինյանը վերահաստատի «Առանց Արցախ Հայաստան չկա» իր դիրքորոշումը», – հայտարարեց Ղազինյանը:

Վարչապետ Նիկոլ Փաշինյանը նշեց, որ  զգացմունքները դժվարանում է վերնագրել, բայց կարձանագրի, որ Մոնթե Մելքոնյանն այնքան խելացի չի գտնվել, որ Երևանի պետական համալսարանի պատերի տակ ծվարած կաշառքներ հավաքելով՝ միլիոնատեր դառնա ու «շատ մեծ ժառանգություն է թողել, որպեսզի ոմանք, ԵՊՀ ֆակուլտետներից մեկի պատերի տակ ծվարելով՝ 5, 10, 15, 20, երբեմն ավելի շատ կաշառքներ հավաքելով, միլիոնատեր դառնան»:

«Ինչ վերաբերում է ձեր գործելակերպին` մենք մեր ասելիքն ասում ենք… Մենք ասում ենք այն, ինչ նպատակահարմար ենք համարում, և այն, ինչ ասել ենք, կառավարության ծրագրում գրած է, բացեք, կարդացեք, եթե հիշողության հետ կապված խնդիրներ ունեք, կրկնեք, անգիր արեք ու մեզ չասեք` «այս նախադասությունը կարո՞ղ եք ասել, թե՞ չեք կարող»: Մենք կարող ենք բազմաթիվ նախադասություններ ասել, որից ձեր ունքերը կբարձրանան», – հայտարարեց ՀՀ վարչապետը:

Արթուր Ղազինյանն էլ արձագանքեց` հասկանում է, որ ԵՊՀ-ն Նիկոլ Փաշինյանի հոգում խորը հետք է թողել ու համալսարանի անվանումը վարչապետի մոտ առաջացնում է ոչ հաճելի ասոցացիաներ. «Ինչ մնում է այդ տեղեկություններին, եթե փաստեր ունեք զբաղվեք դրանով»

«Դուք հիմա հրաժարվո՞ւմ եք հաստատել, որ առանց Արցախ Հայաստան չկա, և Արցախը եղել է, կա ու կմնա հայկական», – վարչապետին կոնկրետ հարց ուղղեց Ղազինյանը:

«Հայաստանի վարչապետի ու կառավարության դիրքորոշումներն արտահայտված են ՀՀ կառավարության ծրագրում,  ՀՀ վարչապետի ելույթներում, ՀՀ վարչապետը ձեր պասի կարիքը չունի, որ ինչ-որ բան հայտարարի կամ չհայտարարի:

Ինչ վերաբերում է փաստերին, փաստերով պետք է զբաղվեն իրավապահ մարմինները: Իսկ ԵՊՀ-ն իմ հոգում, իհարկե, շատ մեծ հետք է թողել, բայց գրպանումս ոչ մի հետք չին թողել», – պատասխանեց ՀՀ վարչապետը:

Մանրամասները՝ տեսանյութում: