10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Թուրքական կողմից որևէ նախապայման չի դրվել. ԱԳ նախարարը՝ երկկողմ հանդիպման մասին
Քաղաքականություն
19.01.2022 | 17:25
«Որևէ նախապայման չկա»,- ԱԺ-կառավարություն հարցուպատասխանի ժամանակ հայտարարեց ՀՀ ԱԳ նախարար Արարատ Միրզոյանը՝ անդրադառնալով այն հարցին, թե արդյոք ՀՀ- Թուրքիա երկխոսության մեկնարկում թուրքական կողմից նախապայմաններ կա՞ն։
Նա հավելեց, որ առաջին հանդիպումը եղել է ճանաչողական բնույթի: «Որոշակի տեխնիկական և բովանդակային դետալների և հետագա ընթացքի վերաբերյալ է եղել: Հերթական անգամ տեսանք, որ որևէ նախապայման չկա»,- ընդգծեց Միրզոյանը:
Ինչ վերաբերում է մտահոգություններին, թե Թուրքիան ՀՀ-ի հետ հարաբերությունների կարգավորումը մտադիր է պայմանավորել «միջանցք» ստանալու ձգտմամբ, Արարատ Միրզոյանը նշեց․ «Մի քանի հրապարակումներ եղան այն մասին, որ թուրքական շրջանակներից միջանցքի տրամադրման հարց է բարձրաձայնվել։ Մեր դիրքորոշումը հայտնի է՝ մենք որևէ միջանցքային տրամաբանության չենք համաձայնելու։ Կողմ ենք տնտեսական կոմունիկացիաների ապաշրջափակմանը, որի արդյունքում թե ՀՀ-ն, թե Թուրքիան և թե Ադրբեջանն օգտվելու են միմյանց ճանապարհներից։ Ցանկացած ճանապարհ պետք է լինի տվյալ երկրի սուվերենության ներքո:
Հայաստանի Հանրապետության տարածքով որևէ «միջանցք» չի կարող լինել նաև այն պատճառով, որ նոյեմբերի 9-ի հայտարարության մեջ կա մեկ միջանցք, և դա Լաչինի միջանցքն է. մնացած բոլոր ճանապարհների մասին խոսում են որպես ճանապարհներ»:
Մանրամասները՝ տեսանյութում:
