21.04.2026 | 17:20
Թրամփը հայտարարել է, թե Իրանը բազմիցս խախտել է հրադադարը
«Խորհուրդ կտամ բարևել Նարիմանովին». Արարատ Միրզոյանը հակադարձեց Աննա Մկրտչյանին. ՏԵՍԱՆՅՈՒԹ
Քաղաքականություն
19.01.2022 | 17:14
«Ուզում եմ մեր ընդդիմադիր գործընկերներին խորհուրդ տալ վերընթերցել ՀՀ կառավարության ծրագիրը։ Այնտեղ սևով սպիտակի վրա գրված է ՀՀ կառավարության դիրքորոշումը Հայոց ցեղասպանության շուրջ»,- ԱԺ-կառավարություն հարց ու պատասխանի ժամանակ ասաց արտաքին գործերի նախարար Արարատ Միրզոյանը։
Նա հավելեց․ «Երբևէ հույս ունեմ, որ պարագայում էլ Հայաստանի որևէ իշխանություն որևէ փորձ անգամ չի անի կասկածի տակ դնել Հայոց ցեղասպանության պատմական փաստ լինելու հանգամանքը»։
«Վատագույն ընտրությունը, որ կարող էր անել Հայոց Ցեղասպանության վերաբերյալ իմ պնդումները կրկնելու փոխարեն «Օմեգային» ամբիոնի մոտ ուղարկելն էր»,- արձագանքեց «Պատիվ ունեմ» խմբակցության պատգամավոր Աննա Մկրտչյանը՝ նկատի ունենալով այն, որ վարչապետ Նիկոլ Փաշինյանը չմոտեցավ ամբիոնին՝ պատասխանելու իր հնչեցրած հարցին:
Արարատ Միրզոյանն արձագանքեց, որ դժվար է նման բառակույտին արձագանքել՝ առանց քաղաքավարության սահմաններն անցնելու․ «Բայց կփորձեմ։ Ակնհայտ է, որ ձեր մտածածը չի համապատասխանում իրականությանը։ Ուղղակի խորհուրդ կտամ` բարևել Նարիմանովին»:
Հակոբ Արշակյանը Աննա Մկրտչյանին հորդորեց կոռեկտ արտահայտվել, ապա նախազգաուշացումից հետո ասաց, որ անջատեն պատգամավորի խոսափողը։
Մանրամասները՝ տեսանյութում:
