15.09.2026 | 20:44
Շախմատի Համաշխարհային օլիմպիադա. Հայաստանի հավաքականը 10-րդն է վարկանիշով
Ադրբեջանական կողմին արված առաջարկների մանրամասները որոշ ժամանակ անց կներկայացվեն. Էդուարդ Աղաջանյան. ՏԵՍԱՆՅՈՒԹ
Քաղաքականություն
19.01.2022 | 16:16
Երեկ ԱԺ փոխնախագահ Ռուբեն Ռուբինյանը նշեց, որ իր տեղեկություններով՝ հայկական կողմը Ադրբեջանին դեմարկացիայի վերաբերյալ առաջարկություններ է ներկայացրել: Factor.am-ի հետ զրույցում անդրադառնալով այդ դիտարկմանը և հարցին, թե խոսքը մասնավորապես ինչ առաջարկների մասին է՝ «Քաղաքացիական պայմանագիր» խմբակցության պատգամավոր, ԱԺ արտաքին հարաբերությունների մշտական հանձնաժողովի նախագահ Էդուարդ Աղաջանյանը նշեց, որ ինքը տեղյակ չէ մանրամասներից:
«Եթե պարոն Ռուբինյանն ասել է, որ նման տեղեկություն ունի, թերևս, նրան հարցնեք: Ես ևս նման տեղեկություն ունեմ, բայց մանրամասներից տեղյակ չեմ»,- նշեց Աղաջանյանը՝ հավելելով, որ իր հետ այդ մասին քննարկում չի եղել:
«Կարծում եմ, որ որոշ ժամանակ անց մանրամասների վերաբերյալ կկարողանանք տեղեկացնել հանրությանը»,- նշեց Աղաջանյանը՝ չնշելով ժամկետ, թե կոնկրետ երբ:
Նա նաև հավելեց, որ թե՛ Ռուբինյանը, թե՛ ինքը և թե՛ ԱԺ պատգամավորները հարցի վերաբերյալ նվազագույն տեղեկատվություն ունեն. «Լավագույն տարբերակը կլինի այդ հարցը գործադիր մարմնի ներկայացուցիչներին ուղղել»:
Աղաջանյանը չպատասխանեց հարցին, թե արդյոք արդեն Բաքվից արձագանք եղել է այդ առաջարկներին, թե ոչ:
Մանրամասները՝ տեսանյութում:
