Քաղաքականություն
19.01.2022 | 13:40
Հավաքական անվտանգության պայմանագրի կազմակերպության (ՀԱՊԿ) զորախմբի խաղաղապահ առաքելությունն ավարտվել է և իրականացվել է բարձր մասնագիտական մակարդակով։ Այս մասին ասել է Ղազախստանի ԱԳՆ եվրասիական ինտեգրման վարչության տնօրեն Ալեքսանդր Սինյագովսկին։
«Ղազախստանի Հանրապետության նախաձեռնած ՀԱՊԿ խաղաղապահ ուժերի առաքելությունը հաջողությամբ ավարտվել է։ Հունվարի 13-ին Ղազախստանի պաշտոնական խնդրանքի հիման վրա և ՀԱՊԿ բոլոր երկրների կողմից ստորագրված փաստաթղթի համաձայն սկսվել է ՀԱՊԿ-ի Միացյալ խաղաղապահ կոնտինգենտի փուլային դուրսբերումը։ Մենք կարծում ենք, որ ՀԱՊԿ առաքելությունն իրականացվել է բարձր մասնագիտական մակարդակով, մենք նշում ենք կազմակերպության դերը և նրա ներդրումը կայունացման գործում»,- ասել է Սինյագովսկին։
«Այսօր ավարտվել է ՀԱՊԿ հավաքական խաղաղապահ ուժերի դուրսբերումը Ղազախստանի տարածքից։ Անձնակազմով և սարքավորումներով վերջին ինքնաթիռը օդ է բարձրացել Ալմաթիից։ Ներկայում Ղազախստանի Հանրապետության տարածքում օտարերկրյա պետությունների զինծառայողներ չկան»,- իր հերթին ավելացրել է ՊՆ միջազգային համագործակցության վարչության պետ Օլժաս Խուսաինովը, գրում է vlast.kz-ն։
Հիշեցնենք, որ ՀՀ զինված ուժերը ևս ՀԱՊԿ խաղաղապահ ուժերի կազմում Ղազախստանի Հանրապետություն էին գործուղել խաղաղապահ ստորաբաժանում։ Առաքելության ընթացքում ՀՀ ԶՈւ խաղաղապահ ստորաբաժանումը բացառապես ռազմավարական նշանակության շենք-շինությունների և ենթակառուցվածքների պահպանության գործառույթներ է իրականացրել:
Տաթև Ֆռանգյան
