09.06.2026 | 00:17
Մարկո Ռուբիոն շնորհավորել է Փաշինյանին
Անգելա Մերկելին պաշտոն են առաջարկել ՄԱԿ-ում
Քաղաքականություն
19.01.2022 | 16:40
ՄԱԿ-ի գլխավոր քարտուղար Անտոնիո Գուտերեշը Գերմանիայի նախկին կանցլեր, 67-ամյա Անգելա Մերկելին առաջարկել է խորհրդատվական պաշտոն ստանձնել ՄԱԿ-ի կառույցներից մեկում։ DW-ի փոխանցմամբ՝ այս մասին հայտնում է dpa գործակալությունը՝ վկայակոչելով սեփական աղբյուրներին։
Գործակալության տվյալներով՝ խոսքը գլոբալ հանրային բարիքների գծով խորհրդատվական խորհրդի նախագահի պաշտոնի մասին է, որը կարող է օգուտ բերել ամբողջ մարդկությանը։ Այս մարմնի իրավասությունների թվում պետք է լինեն միջազգային հարցերի կարգավորումը, մասնավորապես՝ առևտրի կամ թռիչքների անվտանգության ոլորտում։
Հանրային ապրանքների գլոբալ խորհրդատվական մարմինը Գուտերեշի առաջատար նախագծերից է, որը նա խթանում է ՄԱԿ-ի բարեփոխումների շրջանակում: 2021 թվականի հունիսին Գուտերեշը հաստատվեց ՄԱԿ-ի գլխավոր քարտուղարի պաշտոնում երկրորդ հնգամյա ժամկետով՝ 2022 թվականի հունվարի 1-ից մինչև 2026-ի դեկտեմբերի 31-ը։
Գործակալության տվյալներով՝ Գուտերեշը նամակով ներկայացրել է իր առաջարկը Մերկելին։ ՄԱԿ-ում dpa-ի զրուցակիցները քիչ հավանական են համարում Մերկելի համաձայնությունը։ Պաշտոնապես կազմակերպությունը չի մեկնաբանում առաջարկի փաստը։ Այն չեն մեկնաբանել նաև նախկին կանցլերի ներկայացուցիչները և ինքը՝ Անգելա Մերկելը։
Տաթև Ֆռանգյան
