23.04.2026 | 14:00
10 մլն դրամանոց ժամացույց, կանխիկ՝ 200 հազար դոլար, 100 մլն դրամ, 50 հազար եվրո, 6 անշարժ գույք․ Դավիթ Ղազինյանի հայտարարագիրը
Եթե իշխանությունն ամեն ինչ անի, վերջացնի, էլ գալիս ենք իշխանության՝ ի՞նչ անենք. Իշխան Սաղաթելյան. ՏԵՍԱՆՅՈւԹ
Քաղաքականություն
18.01.2022 | 20:13
«Բարեկեցիկ և լավ ապրելու լոզունգների տակ Հայաստանը տանելու են թուրքացման»,- ԱԺ-ում լրագրողների հետ զրույցում այս տեսակետը հայտնեց «Հայաստան» խմբակցության պատգամավոր, խորհրդարանի փոխխոսնակ, ՀՅԴ Գերագույն մարմնի ներկայացուցիչ Իշխան Սաղաթելյանը:
«Մեր տղերքի մի մասի դիերը դեռ գտնված չեն, արյունը դեռ չի չորացել, այս մարդիկ արդեն խոսում են թուրքերի հետ առևտրի, բժշկական ծառայություններ մատուցելու, ավիաընկերություններ բացելու մասին։ Սա տանելու է Հայաստանի թուրքացման»,- նշեց Սաղաթելյանը:
«Մենք իշխանությանն ասում ենք, որ մինչև պաշտոնական հայտարարությունները ունեցել են Թուրքիայի հետ բանակցությունների ընթացք, իրենք ասում են՝ ոչ: Եթե գաղտնի բանակցություններ չեն վարվել, ապա այդ դեպքում ինչպե՞ս է կայացվել հատուկ ներկայացուցիչներ նշանակելու որոշումը»,- նշեց պատգամավորը:
Հարցին՝ դուք, որպես ընդդիմություն, սպասելու եք իշխանությունը բոլոր հարցերը իր պատկերացմամբ լուծի, հետո՞ գաք իշխանության, Սաղաթելյանը պատասխանեց. «Եթե իշխանությունն իր ծրագրերն իրականացնի, վերջացնի, ամեն ինչ ավարտի, էլ գալիս ենք իշխանության ի՞նչ անենք:
Մեր նպատակը օր առաջ այս իշխանություններին հեռացնելն է, ընտրության ճանապարհով չենք կարողացել, պայքարել ենք, չի ստացվել, բայց դա չի նշանակում, որ հիմա պետք է հետ կանգնենք, նահանջենք կամ հարմարվենք ստեղծված իրավիճակին»:
Մարամասները՝ տեսանյութում:
