19.11.2024 | 23:34
Ինչ են քննարկել Հայաստանի և Գերմանիայի ԱԳ նախարարները
Թուրք-իրանական սահմանին աֆղան փախստականների դիեր են հայտնաբերվել
Քաղաքականություն
18.01.2022 | 20:01
Իրանի հետ Թուրքիայի սահմանին թուրք ոստիկանները երկու փախստականի դի են հայտնաբերել, որոնք, ըստ երևույթին, մահացել են ցրտահարությունից։ Այս մասին հայտնում է Turkish Minute-ը։
Նշվում է, որ մահացածները աֆղան կին և տղամարդ են։ Կնոջ մարմինը հայտնաբերվել է Վանի Սարայ թաղամասում, տղամարդունը՝ սահմանի իրանական կողմում:
Փախստականները, չնայած սառնամանիքին, շարունակում են հատել Թուրքիայի արևելյան սահմանը։ Հունվարի 1-ին էլ մի աֆղան կին էր ցրտահարությունից մահացել։ Կինն իր հագուստը տվել էր երկու երեխաներին՝ փորձելով տաքացնել նրանց։
Թուրքական մամուլի տվյալներով՝ վերջին երկու ամսում ամենաքիչը 8 միգրանտ է մահացել երկրի արևելյան սահմանին։ Նշվում է, որ 2020 թվականին աֆղան անօրինական փախստականների թիվը Թուրքիայում կազմել է 50․132, 2019-ին՝ 201․437 մարդ։
Էմմա Չոբանյան
