08.06.2026 | 14:09
Ընտրություններից հետո հնարավոր սրման մասին հայտարարած անձը ձերբակալվել է
ՌԴ-ն, Իրանը և Չինաստանը համատեղ ռազմածովային զորավարժություններ կանցկացնեն
Քաղաքականություն
18.01.2022 | 22:28
Ռուսաստանը, Իրանը և Չինաստանը համատեղ ռազմածովային զորավարժություններ կանցկացնեն։ «Իզվեստիայի» հաղորդմամբ՝ այս մասին հայտնել է Խաղաղօվկիանոսյան նավատորմի մամուլի ծառայությունը։
Նախօրեին արդեն Իրանի Չախբեխար նավահանգստում խարսխվել են ՌԴ Խաղաղօվկիանոսյան նավատորմի Admiral Tributs խոշոր հակասուզանավային նավը և խոշոր ծովային տանկեր «Բորիս Բուտոմանը»։ Նշվում է, որ նավահանգստում ՌԴ ռազմածովային ուժերի պաշտոնական պատվիրակությունը կմասնակցի եռակողմ զորավարժություններին նվիրված համաժողովին։
Նախատեսվում է, որ վարժանքների ընթացքում նավերը կայցելեն մի քանի պետությունների ծովեր։ Նշվում է, որ ռուսական նավերը կհամալրվեն նաև սննդի, ջրի և վառելիքի պաշարներով։
Մամուլի ծառայությունը հիշեցնում է, որ Խաղաղօվկիանոսյան նավատորմի նավերի ջոկատը 2021 թվականի դեկտեմբերի վերջից երկար ճանապարհորդություն է սկսել Վլադիվոստոկից։ Նախատեսվում է, որ առաջադրանքների կատարման ընթացքում նավերը կլինեն մի շարք նահանգների նավահանգիստներում։
Տաթև Ֆռանգյան
