15.01.2025 | 23:34
Իսրայելն ու ՀԱՄԱՍ-ը հրադադարի համաձայնագիր են ստորագրել
Էրդողանը կրկին հայտարարել է, որ Թուրքիան «դեմ է Ղրիմի օկուպացիային» և այդ մասին ասել է Պուտինին
Քաղաքականություն
18.01.2022 | 18:00
Թուրքիայի նախագահ Ռեջեփ Թայիփ Էրդողանը իրականությունից հեռու է անվանել Ռուսաստանի կողմից Ուկրաինայի օկուպացիայի սցենարը, գրում է «Անադոլու» գործակալությունը։
Լրագրողների հետ զրույցում, որոնք Էրդողանին ուղեկցել են Ալբանիա կատարած այցի ընթացքում, Թուրքիայի նախագահը նշել է, որ «նման քայլի համար Մոսկվայում պետք է վերլուծեն իրավիճակն աշխարհում ու երկրի ներսում»։
Էրդողանը հայտնել է, որ Ուկրաինայում տիրող իրավիճակը մտադիր է քննարկել Ադրբեջանի նախագահ Իլհամ Ալիևի հետ, որն օրերս Կիևում էր։
«Ես կխոսեմ Իլհամ Ալիևի հետ։ Իհարկե, կարևոր է քննարկել այդ հարցերը ՌԴ նախագահ Վլադիմիր Պուտինի հետ, քանի որ այդ տարածաշրջանները չեն կարող նոր պատերազմի բեռը կրել։ Դա ճիշտ չի լինի։ Եկել է ժամանակը՝ պատերազմի սցենարը քաղաքական օրակարգից ամբողջությամբ հանելու»,- ասել է Էրդողանը։
Նա հավելել է, որ ժամանակակից աշխարհում «ուրիշների հողերի օկուպացիայի ձգտումը» ցանկալի արդյունքի չի բերի։
«Օրինակ, ի՞նչ քայլեր է ձեռնարկել Ռուսաստանը Ուկրաինայում, Ղրիմում։ Պուտինի հետ ամեն խոսակցության ժամանակ ես հայտարարում եմ, որ Թուրքիան դեմ է Ղրիմի օկուպացիային։ Ռուսական կողմին այդ տեսակետն է հասցնում նաև Թուրքիայի արտաքին քաղաքական գերատեսչությունը։ Թուրքիայի դիրքորոշումը այդ հարցում միանշանակ է»,- հայտարարել է Էրդողանը։
Հիշեցնենք, որ Ադրբեջանի նախագահ Իլհամ Ալիևն օրերս աշխատանքային այցով Կիևում էր, որի ընթացքում հանդիպել է Ուկրաինայի նախագահ Վլադիմիր Զելենսկիի հետ։
