10.10.2026 | 11:12
Վարորդական վկայական ստանալու «պարզեցված» առաջարկները խարդախություն են․ ՆԳՆ-ն զգուշացնում է
Հոնկոնգում տղամարդը «դելտա» շտամով է վարակվել արտերկրից բերված կրծողից․ 2000 կրծողներ էֆթանազիայի կենթարկվեն
Քաղաքականություն
18.01.2022 | 22:55
Հոնկոնգում կենդանիների վաճառքով զբաղվող խանութի սեփականատերը կորոնավիրուսի «դելտա» շտամով է վարակվել արտերկրից բերված համստերներից։ Արդյունքում որոշում է կայացվել տարածաշրջանում ոչնչացնել 2000 համստերի և այլ մանր կրծողների, գրում է AP-ն։
Հետազոտությունները ցույց են տվել, որ կենդանիների վաճառքով զբաղվող խանութի սեփականատերը չէր կարող այլ մարդկանցից վարակված լինել։ Սա վերջին 3 ամիսների ընթացքում գրանցված COVID-19-ի առաջին դեպքն է, որի ծագումը չէին կարողանում պարզել։ Այնուհետև պարզվել է, որ Նիդերլանդներից խանութ են բերվել մի քանի համստերներ և նրանցից մեկի մոտ «դելտա» շտամ է հայտնաբերվել։ Վիրուսը հայտնաբերվել է ևս 11 համստերի մոտ։
Հունվարի 18-ին Հոնկոնգի վարչակազմը, որը պատասխանատու է գյուղատնտեսության և շրջակա միջավայրի համար, դադարեցրել է համստերների ներմուծումը տարածաշրջան։ Համստերներ վաճառող բոլոր խանութներին հրամայվել է դադարեցնել աշխատանքը։ Այն անհատներին, որոնք համստերներ են գնել դեկտեմբերի 22-ից ոչ շուտ, հանձնարարվել է կենդանիներին հանձնել էվթանազիայի։ Խանութներում վաճառվող կրծողները նույնպես ենթարկվելու են էֆթանազիայի։ Էֆթանազիայից առաջ բոլորին կթեստավորեն։
Տաթև Ֆռանգյան
