17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
ՌԴ-ում COVID-19-ով հիվանդների ինքնամեկուսացման ժամկետը կկրճատվի մինչև 7 օր
Քաղաքականություն
18.01.2022 | 16:45
Ռուսաստանում COVID-19-ով հիվանդների ինքնամեկուսացման ժամկետը կկրճատվի մինչև յոթ օր։ ՌԻԱ Նովոստիի հաղորդմամբ՝ այս մասին հայտարարել է ՌԴ փոխվարչապետ Տատյանա Գոլիկովան։
«Մենք օպտիմալացնում ենք քաղաքացիների կարանտինային և լաբորատոր հետազոտությունների մոտեցումները, ներառյալ՝ ինքնամեկուսացման ժամկետները մինչև յոթ օր կրճատելով, ինչպես նաև մի շարք փոփոխություններ ենք կատարում, որոնք շուտով կընդունվեն Ռուսաստանի գլխավոր սանիտարական բժշկի որոշումներով»,- ասել է Գոլիկովան Ռուսաստանի կառավարությանն առընթեր Կորոնավիրուսի դեմ պայքարի համակարգող խորհրդի նիստին։
Մինչ այս, ՌԴ-ում կորոնավիրուսով վարակվելու դեպքում անհրաժեշտ էր երկու շաբաթ մեկուսացման մեջ մնալ։
Պաշտոնյան հավելել է, որ իշխանությունները հետևելու են իրավիճակին և, անհրաժեշտության դեպքում, ժամկետների հետագա ճշգրտումներ կիրականացվեն։
Տաթև Ֆռանգյան
