16.05.2024 | 18:43
Ընդգծվել է ԵԽԽՎ բանաձևերի կյանքի կոչման կարևորությունը. Միրզոյանը հանդիպել է ԵԽԽՎ նախագահին
Եվրախորհրդարանը նոր նախագահ ունի
Քաղաքականություն
18.01.2022 | 16:22
Մալթայի ներկայացուցիչ Ռոբերտա Մեցոլան այսօր հաղթել է Եվրախորհրդարանի նախագահի ընտրություններում։ Այս մասին ասված է Եվրախորհրդարանի պաշտոնական կայքում հրապարակված հաղորդագրությունում։
Նշվում է, որ Ռոբերտա Մեցոլան հաղթել է քվեարկության առաջին փուլում, որոնց արդյունքում նա ստացել է ձայների բացարձակ մեծամասնությունը՝ 690-ից 458 ձայն հեռակա գաղտնի քվեարկության արդյունքում։ Այդ պաշտոնին առաջադրված էր ևս չորս թեկնածու, սակայն նիստի սկզբում Կոսմա Զլոտովսկին հանել է իր թեկնածությունը՝ այդ պաշտոնին հավակնողների թիվը հասցնելով երեքի։
Ռոբերտա Մեցոլան Եվրոպական խորհրդարանը կղեկավարի մինչև ընթացիկ օրենսդրական ժամկետի երկրորդ կեսը՝ մինչև 2024 թվականի Եվրոպական ընտրություններից հետո նոր Խորհրդարանի ձևավորումը:
Հիշեցնենք, որ Եվրախորհրդարանի նախագահ Դեյվիդ Սասոլին վախճանվել է 65 տարեկանում։
Տաթև Ֆռանգյան
