17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Բելառուս սահմանապահներն Ուկրաինայի հետ սահմանին կրակ են բացել՝ սահմանախախտումը կանխելու համար
Քաղաքականություն
18.01.2022 | 17:11
Ուկրաինայի հետ սահմանային գոտում բելառուս սահմանապահները հրազեն են կիրառել՝ պետական սահմանի խախտումը կանխելու համար։ EADaily-ի հաղորդմամբ՝ այս մասին հայտնել են Բելառուսի պետական սահմանային կոմիտեից։
Հաղորդվում է, որ «հունվարի 18-ի գիշերը Ուկրաինայի հետ սահմանին մոտ գտնվող սահմանային գոտում բելառուսական սահմանապահ ծառայությունն արձանագրել է Audi մակնիշի ավտոմեքենա, որն ընթացել է պետական սահմանի ուղղությամբ՝ մայրուղիներից դուրս»։
Սահմանապահները մեքենան կանգնեցնելու ազդանշան են տվել, սակայն վարորդը չի կատարել օրինական պահանջները։ Բացի այդ, փախուստի փորձի ժամանակ նա վրաերթի է ենթարկել սահմանապահ ծառայության զինծառայողին։
«Ապօրինի գործողությունները կանխելու նպատակով սահմանապահ ջոկատը կիրառել է ծառայողական զենք՝ նախազգուշական կրակոցներ արձակել օդ ու մեքենայի անիվներին։ Հարձակվողները փորձել են փախչել, սակայն բերման են ենթարկվել։ Պարզվել է, որ սահմանը խախտողները Բելառուսի երկու քաղաքացիներ են»,- ասվում է հաղորդագրության մեջ։
Տաթև Ֆռանգյան
