17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Էնթոնի Բլինքենը կայցելի Ուկրաինա․ աղբյուր
Քաղաքականություն
18.01.2022 | 15:08
ԱՄՆ պետքարտուղար Էնթոնի Բլինքենը հունվարի 19-ին պաշտոնական այցով կժամանի Ուկրաինա, գրում է «Զերկոլո նեդելին» (ZN)՝ հղում անելով սեփական աղբյուրներին։
«Բանակցությունների հստակ օրակարգը դեռ հայտնի չէ, սակայն դժվար չէ ենթադրել, որ առաջին հերթին կքննարկվեն Ուկրաինայի անվտանգության խնդիրները՝ կապված ուկրաինական սահմանի մոտ ռուսական զորքերի կենտրոնացման, զսպման միջոցառումների, հավելյալ օգնություն և սպառազինություն տրամադրելու հետ, ինչպես նաև հնարավոր պատժամիջոցները՝ ռուսական զանգվածային ներխուժման դեպքում»,- ասվում է հաղորդագրության մեջ։
Նշենք, որ Ուկրաինայի իշխանությունները դեռևս պաշտոնապես չեն հայտնել Բլինքենի այցի մասին։
Տաթև Ֆռանգյան
