08.08.2026 | 10:30
Սևանա լճի մակարդակը հունվարի 1-ի համեմատ բարձր է 55 սմ-ով
Լավ խոսքեր չեն հնչում մեր բոլորի մասին․ ժողովուրդն այլ ակնկալիք ունի․ Գեղամ Նազարյան. ՏԵՍԱՆՅՈՒԹ
Քաղաքականություն
18.01.2022 | 12:52
«Ինձ մոտ անընդհատ հարց է առաջանում՝ ինչքան ժամանակ դեռ պետք է Հայաստանում բարձր պաշտոններ զբաղեցնեն մարդիկ, որոնք զինված ուժերում չեն ծառայել»,- ԱԺ այսօրվա նիստում նշեց «Հայաստան» խմբակցության պատգամավոր Գեղամ Նազարյանը՝ կարծիք հայտնելով, որ պատերազմից հետո վերլուծություն չի արվել հետևանքների մասին:
«Մի՛ փորձեք ապրել այնպես, կարծես թե պատերազմ չի եղել: Չի կարելի ապագա կառուցել այն մտքով, որ ոչինչ չի եղել, ինչ կա որ, ոչինչ, որ տղերքը զոհվեցին, կարևորը՝ թուրքերը կգան, Հայաստանում կբուժվեն»,- ասաց Նազարյանը:
«Ո՞վ է ասել»,- տեղից հարց հնչեցրին միաժամանակ մի քանի պատգամավորներ:
Նազարյանը լուռ մատնացույց արեց և շարունակեց. «Ասել եք: Ես էլ գիշերը ժամը մեկին տեսա այդ հարցազրույցը և ցնցվեցի, որ նման մտքեր են հնչում»։
«Մարդիկ մոտենում են, և հավատացեք՝ լավ խոսքեր չեն հնչում մեր բոլորի մասին, հատկապես կառավարող խմբակցության, որովհետև ժողովուրդը բոլորովին այլ ակնկալիք ունի»,- ընդգծեց Նազարյանը:
Մանրամասները՝ տեսանյութում:
