21.04.2026 | 18:59
ԵԱ․ Սուրեն Աղաջանյանը տուշեով հաղթեց ադրբեջանցի ըմբիշին ու դուրս եկավ եզրափակիչ
Պարոն Ռուբինյան, այսպիսի թույլ նյարդային համակարգով ինչպե՞ս կարելի է Հայաստանը ներկայացնել Թուրքիայի հետ բանակցություններում․ Գեղամ Մանուկյան. ՏԵՍԱՆՅՈՒԹ
Քաղաքականություն
18.01.2022 | 12:42
«Տպավորություն կա, որ Ռուբեն Ռուբինյանին ուզում են օժտել անձեռնմխելիության ևս մեկ շերտով․ հանկարծ չքննադատեք, որովհետև նա բանագնացն է: Չպետք է քննադատել, թե նա ինչ օրակարգով է բանակցություններ վարում, ի՞նչ իրավակարգավորումներով է նշանակվել»,- ԱԺ լիագումար նիստում անդրադառնալով ՀՀ-Թուրքիա երկխոսության հայկական կողմի հատուկ ներկայացուցիչ, ԱԺ փոխնախագահ Ռուբեն Ռուբինյանի մասին ընդդիմության քննադատություններին ու իշխանական պատգամավորների դիտարկումներին՝ այս մասին նշեց «Հայաստան» դաշինքի պատգամավոր Գեղամ Մանուկյանը։
Նրա խոսքով՝ իրենք Ռուբինյանին անձնապես չեն քննադատում: «Թեև երեկվա միջադեպը հաշվի առնելով՝ կարելի է ասել․ «Պարո՛ն Ռուբինյան, այսպիսի թույլ նյարդային համակարգով ինչպե՞ս կարելի է ՀՀ-ն ներկայացնել նման դժվար բանակցային գործընթացում»,- ասաց Մանուկյանը:
«Քննադատվում են բոլոր այն գործողությունները, որոնց արդյունքում հիմա ՀՀ-ն ներկայացնում է ԱԺ փոխնախագահը։ Ի՞նչ կարգավիճակ ունի նա, մինչև հիմա դա հստակ չէ, ի՞նչ լիազորություններով է նա ներկայացնում ՀՀ-ն, մշակվե՞լ է աշխատանքային կանոնակարգ այդ բանակցություններում, Ռուբինյանն ունի՞ իրավասություն Քըլըչի հետ հանդիպմանը վերջանական ասելու «այո» կամ «ոչ». հստակ չէ»- նշեց Մանուկյանը:
Մանրամասները՝ տեսանյութում:
