08.06.2026 | 16:44
Փաշինյանը հաղթեց․ տարածաշրջանի ապագան դեռ գրվելու փուլում է․ Դոնալդ Տուսկ
Ղազախստանում բողոքի ցույցերի հետ կապված 8354 վարչական գործ է քննվել դատարաններում
Քաղաքականություն
18.01.2022 | 16:11
Ղազախստանի դատարանները քննել են 8354 վարչական գործ՝ կապված այս ամսվա սկզբին երկրում տեղի ունեցած բողոքի ցույցերի հետ։ Ծանր և առանձնապես ծանր հանցագործությունների առթիվ հարուցվել է 695 քրեական գործ։ Այս մասին այսօր հայտարարել է хանրապետության գլխավոր դատախազի ավագ օգնական Ազամատ Սարգազինը, գրում է EurAsia Daily-ն։
«Ընդհանուր առմամբ, այս իրադարձությունների հետ կապված դատարանները քննել են 8354 վարչական գործ։ Դատարաններն ու դատախազները հաշվի են առնում մեղմացուցիչ հանգամանքները և մեղավորների զղջումը։ 3337-ը միայն նախազգուշացվել են՝ չպատժվելով ձերբակալությունների և տուգանքների տեսքով։ 1653 դեպքով դատարանը տուգանք է նշանակել։ Այժմ ձերբակալված է 1002 մարդ։ Ծանր և առանձնապես ծանր հանցագործությունների վերաբերյալ հարուցվել է 695 նախաքննություն, այդ թվում՝ 44-ը՝ ահաբեկչության, 15-ը՝ սպանության, 6-ը՝ քարոզչության և իշխանության զավթման կոչերի վերաբերյալ։ Որպես կասկածյալ բերման է ենթարկվել 780 մարդ, որոնցից 695-ը դատարանների կողմից կալանավորվել է»,- ասել է նա։
Տաթև Ֆռանգյան
