17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Տաջիկստանում ռուս զինվորականների մասնակցությամբ զորավարժություններ են սկսվել
Քաղաքականություն
18.01.2022 | 12:43
Տաջիկստանում ռուսական ռազմակայանի լեռնային զորավարժարանում մեկնարկել են 1000 զինծառայողների մասնակցությամբ զորավարժություններ։ ՌԻԱ Նովոստիի հաղորդմամբ՝ այս մասին հայտնել է Կենտրոնական ռազմական օկրուգի մամուլի ծառայությունը։
«201-րդ ռուսական ռազմակայանի մոտոհրաձգային ստորաբաժանումների 1000 զինծառայողների մասնակցությամբ մարտավարական զորավարժություններ են սկսվել Տաջիկստանի Լյաուր և Սամբուլի լեռնաշղթաներում։ Վարժանքների ընթացքում անձնակազմը պետք է պաշտպանական և հարձակողական գործողություններ մշակի հետախուզական-հարվածային և կրակային համակարգերի կիրառմամբ՝ հրետանու և բանակային ավիացիայի աջակցությամբ»,- ասվում է հաղորդագրության մեջ։
Նաև զինծառայողները մարտական կրակ կիրականացնեն բոլոր տեսակի հրետանային զինատեսակներից, նռնականետերից և այլն։ Կենտրոնական ռազմական օկրուգից հավելում են, որ մարտականին հնարավորինս մոտ միջավայր ստեղծելու համար զորավարժարաններում օգտագործվում են տարբեր տեսակի ստատիկ և դինամիկ թիրախներ։
Տաթև Ֆռանգյան
