17.01.2026 | 20:00
ՔՆՆԱՐԿՈՒՄ․ ՀՀ-ն ինչպե՞ս է կատարել ԵՄ-ի հետ CEPA համաձայնագիրը․ մշտադիտարկման արդյունքներ
Georgian Airways-ը վաճառվում է 150 մլն դոլարով
Քաղաքականություն
17.01.2022 | 22:27
Վրացական Georgian Airways ավիաընկերությունը վաճառվում է 150 մլն դոլարով։ Տեղեկությունը տեղադրված է վրաց-ամերիկյան Business Brokerage ասոցիացիայի կայքում, որի հիմնադիրը ավիաընկերության նախկին գլխավոր տնօրեն Ռոման Բոկերիան է, փոխանցում է Aliq media-ն։
Վերջինս հայտնել է, որ աշխատում է ավիաընկերությունում միջազգային ներդրող ներգրավելու ուղղությամբ, միևնույն ժամանակ ցանկանում է, որ 30 կամ 50 տոկոսով ավիաընկերությունը ձեռք բերի Վրաստանի կառավարությունը։
Հունվարի 11-ին հայտնի դարձավ, որ Georgian Airways-ը սկսել է վերականգնողական/սնանկության ընթացակարգը։ Թբիլիսիի քաղաքային դատարանը դեկտեմբերի 29-ին համապատասխան վճիռ է կայացրել՝ պարտավորեցնելով ընկերությանը մշակել վերականգնողական ծրագիր։ Ավիաընկերությունը ավելի քան 16000 ուղևորների և ավելի քան 70 ընկերությունների պարտք է մոտ 176 մլն լարի (մոտ 56,8 մլն դոլար):
Հանրային ռեգիստրի էջում հրապարակված դատարանի որոշման համաձայն՝ ավիաընկերության ֆինանսական ճգնաժամը պայմանավորված է եղել կորոնավիրուսով և սահմանների փակմամբ։
