08.06.2026 | 21:59
Վստահ եմ, որ Հայաստանի և Իրանի հարաբերությունները նոր շրջանում էլ կշարունակեն ամրապնդվել. Փեզեշքիան
Թուրքիայում էժան հացի հերթերը չեն նվազում․ ընդդիմադիր պատգամավորը տեսանյութ է հրապարակել
Քաղաքականություն
17.01.2022 | 23:35
Թուրքիայում էժան հացի հերթերը շարունակում են աճել։ Երկրի գլխավոր ընդդիմադիր Ժողովրդահանրապետական կուսակցության պատգամավոր Թունջայ Օզքանը թվիթերյան իր միկրոբլոգում տեսանյութ է հրապարակել, որում երևում է Ստամբուլի Էսենյուրթ թաղամասի հրապարակում էժան հարցի համար երկար հերթը։
«Մեր քաղաքներում հացի հերթերը շարունակում են աճել։ Աղքատությունն ու գնաճը վնասում են մեր ժողովրդին։ Մենք պալատական ձևով չենք քանդի մեր երեխաների ապագան»,- տեսանյութին կից գրել է Օզքանը։
Նշենք, որ Թուրքիայում տնտեսական ճգնաժամի ու լիրայի արժեզրկման պայմաններում հացի գինը շարունակում է կտրուկ բարձրանալ՝ երկրում տիրող սոցիալական լարվածությունն է՛լ ավելի մեծացնելով։ Այդ պատճառով էլ երկրի տարբեր քաղաքներում էժան հացի կրպակներ են գործում։
Քաղաքապետարանի աջակցությամբ էժան հացի նման կրպակներ կան նաև Ստամբուլում, որտեղից հաց գնելու համար մարդիկ ժամերով հերթ են կանգնում։ Այստեղ հացը վաճառվում է 1․25 լիրայով։ Համացանցում պարբերաբար շարունակում են այդ կրպակների մոտ մարդկանց հերթերի լուսանկարներ ու տեսանյութեր հրապարակվել։
Էմմա Չոբանյան
