22.08.2026 | 10:44
Պապիկյանն այցելել է նոր կառուցվող ամրացված շրջաններից ևս մեկի շինհրապարակ
ՌԴ-ն կարող է իր միջուկային զենքը տեղակայել ԱՄՆ-ի ափերի մոտ․ NYT
Քաղաքականություն
17.01.2022 | 23:15
Ռուսաստանը կարող է իր միջուկային զենքը տեղակայել ԱՄՆ-ի ափերի մոտ։ Այս մասին գրել է The New York Times-ը։
Պարբերականի տեղեկությունների համաձայն՝ եղել են ակնարկներ, որ «միջուկային զենքը կարող են տեղափոխել վայրեր, հնարավոր է՝ Միացյալ Նահանգների ափերից ոչ հեռու․ դա մինչև հինգ րոպեով կնվազեցնի հրթիռի արձակումից հետո ժամանակը, ինչը կարող է հանգեցնել 1962 թվականի Կուբայի հրթիռային ճգնաժամի նման առճակատման»:
Այսպես՝ ռուս բարձրաստիճան դիվանագետներից մեկը Ժնևում ասել է, որ Մոսկվան պատրաստ է «չճշտված» զենքի համակարգեր տեղակայել «չճշտված» վայրերում:
ԱՄՆ հետախուզությունը ևս տեղեկություններ է ստացել այն մասին, որ Ռուսաստանը կարող է նոր վայրեր դիտարկել իր միջուկային զենքի տեղակայման համար։ NYT-ը հիշեցնում է, որ նոյեմբերին ՌԴ նախագահ Վլադիմիր Պուտինը հայտարարել է, որ Ռուսաստանը կարող է Վաշինգտոնի մոտակայքում հիպերձայնային հրթիռներ տեղակայել սուզանավերի վրա։
Տաթև Ֆռանգյան
