Քաղաքականություն
16.01.2022 | 21:34
Ռուսաստանի դեմ ԱՄՆ-ում առաջարկվող նոր պատժամիջոցները, որոնք ներառում են նաև Ռուսաստանի ղեկավարության անդամների նկատմամբ սահմանափակումներ, կարող են հանգեցնել երկրների միջև հարաբերությունների խզմանը, ինչը չի համապատասխանում ո՛չ Մոսկվայի, ո՛չ Վաշինգտոնի շահերին: «ՌԻԱ Նովոստի»-ի փոխանցմամբ՝ այս մասին CNN հեռուստաալիքին տված հարցազրույցում հայտարարել է ՌԴ նախագահի մամուլի քարտուղար Դմիտրի Պեսկովը:
Կրեմլի ներկայացուցիչն ընդգծել է, որ ԱՄՆ-ի կողմից նման քայլը «մեծ սխալ կլինի»: Այդ կապակցությամբ Պեսկովը պաշտոնական Վաշինգտոնի ներկայացուցիչներին դիմել է այն հարցով՝ կարո՞ղ են արդյոք նրանք «հիշել ինչ-որ օրինակ, երբ պատժամիջոցներն օգնել են լուծել իրենց խնդիրը»։
Իշխող Դեմոկրատական կուսակցությունից ԱՄՆ սենատորներն ավելի վաղ օրինագիծ են ներկայացրել, որով առաջարկվում է Ուկրաինայի շուրջ իրադրության սրման դեպքում ցավոտ պատժամիջոցներ սահմանել ռուսական տնտեսության առանցքային ճյուղերի, պետական պարտքի և պետության առաջին դեմքերի դեմ:
