15.01.2025 | 02:30
Միրզոյանն ու Բլինքենը նաև քննարկել են ՀՀ-ԵՄ գործընկերության խորացմանը միտված գործընթացը
Ալմաթիում անկարգությունների ընթացքում ավելի քան 1,3 հազար միավոր զենք են գողացել
Քաղաքականություն
16.01.2022 | 19:21
Ալմաթիում զենքի խանութների գրավման ժամանակ անկարգությունների մասնակիցները ավելի քան 1,3 հազար միավոր զենք են գողացել: Այս մասին կիրակի ճեպազրույցի ժամանակ հայտնել է ոստիկանության քաղաքային վարչության պետ Կանատ Թայմերդենովը։
«Ահաբեկիչների խմբերը գրավել են զենքի 7 խանութ և տիրացել զենքին և զինամթերքին։ Գողացել են 1 347 միավոր զենք»,- ասել է նա։
Թայմերդենովը հստակեցրել է, որ անկարգությունների մասնակիցները Ալմաթիի ոստիկանության դեպարտամենտի շենքը գրավելու 27 փորձ են ձեռնարկել:
«Հարձակումները կատարել են պրոֆեսիոնալ պատրաստված մարդիկ, որոնք կատարելապես տիրապետում են զենքին և մարտ վարելու մեթոդներին։ Ընդ որում, նրանք չեն թողել սպանվածներին, վիրավորներին տարել են իրենց հետ։ Այս օրերին յոթ հարձակում է եղել դիահերձարանների վրա, որոնց ընթացքում անհայտ անձինք 41 զոհվածների դիակ են առևանգել»,- ՏԱՍՍ-ի փոխանցմամբ՝ նշել է ոստիկանության դեպարտամենտի ղեկավարը։
Հիշեցնենք, որ Ղազախստանում հունվարի 2-ից բողոքի ցույցեր են իրականացվում ընդդեմ հեղուկ գազի գնի կրկնակի թանկացման։ Հունվարի 5-ին Ղազախստանի նախագահ Կասիմ-Ժոմարտ Տոկաևը երկրում երկշաբաթյա արտակարգ դրություն է մտցրել։ Նա օգնության համար դիմել է Հավաքական անվտանգության պայմանագրի կազմակերպությանը։ Ղազախստան ուժեր ուղարկելու մասին որոշումը ՀԱՊԿ անդամ պետությունների ղեկավարներն ընդունել են մի քանի ժամում։
ՀԱՊԿ Հավաքական անվտանգության խորհրդի 2022 թվականի հունվարի 6-ին որոշմամբ՝ ՀԱՊԿ հավաքական խաղաղապահ ուժերը սահմանափակ ժամկետով ուղարկվել են Ղազախստան՝ իրավիճակը կայունացնելու և կարգավորելու համար։ Շուրջ 100 հայ խաղաղապահ էր մեկնել Ղազախստան։
