10.10.2026 | 18:18
ԶՈՒ ԳՇ պետն այցելել է մի շարք զորամասեր
Աջարիայում ձյան ծածկը հասել է մեկ մետրի. վնասվել են էլեկտրահաղորդման գծերը
Քաղաքականություն
16.01.2022 | 17:56
Բարձրալեռ Աջարիայում ձյան ծածկը հասել է մեկ մետրի։ Ճանապարհներին կան խափանումներ, սակայն երթևեկությունը դադարեցված չէ։ Գոդերձի լեռնանցքում երթևեկությունը հնարավոր է միայն հակասայթակող շղթաների կիրառմամբ։ Այս մասին հայտնում է Վրաստանի առաջին ալիքը:
Աջարիայի ճանապարհային դեպարտամենտից հայտնում են, որ արդեն երկրորդ օրն է ավտոճանապարհներն ինտենսիվ մաքրվում են։
«Ներկայումս ընթանում են գյուղերը վարչական միավորներին կապող ճանապարհները կապող աշխատանքները։ Երկրորդ օրն է, ինչ ինտենսիվ ձյուն է տեղում, վատ տեսանելիության պատճառով մաքրման աշխատանքները շատ վայրերում բարդանում են, սակայն ճանապարհների մաքրման աշխատանքները չեն դադարում»,- ասել է Աջարիայի ճանապարհային դեպարտամենտի ղեկավար Զազա Շավաձեն։
Ձյունը վնասել է նաև բարձրլեռնային գյուղերի էլեկտրահաղորդման գծերը, մի քանի գյուղ մնացել է առանց էլեկտրականության։ «Էներգո-Պրո-Ջորջիայի» հաղորդմամբ՝ վերականգնման աշխատանքները շարունակվում են, և մոտ ապագայում կվերականգնվի էլեկտրամատակարարումը։
