26.04.2026 | 15:21
Իվետա Մուկուչյանի լուսանկարը կեղծվել է. կախազարդն իրականում խաչի տեսքով է
BBC-ի Ստամբուլի բյուրոյի աշխատակիցները գործադուլ են սկսել
Քաղաքականություն
14.01.2022 | 20:41
BBC-ի Ստամբուլի բյուրոյի աշխատակիցներն այսօր գործադուլ են հայտարարել․ սա 2009 թվականից ի վեր թուրքական մամուլի պատմության մեջ առաջին գործադուլն է, գրում են թուրքական լրատվամիջոցները։
Գործադուլը սկսվել է այն բանից հետո, երբ Թուրքիայի լրագրողների միության և BBC-ի միջև կոլեկտիվ բանակցություններն ավարտվել են տարաձայնություններով, որոնք սկսվել էին 2021-ի օգոստոսի 9-ին։
Այսօր առավոտյան Ստամբուլում գտնվող BBC-ի գրասենյակի դիմաց փակցվել է գործադուլի պաստառը։ Այլ լրատվամիջոցներից մի շարք լրագրողներ աջակցել են իրենց գործընկերներին, հայտարարությանը միացել է նաև Ստամբուլի Աշխատավորական կուսակցությունից պատգամավոր Ահմետ Շըքը։
Թուրքիայի լրագրողների միության նախագահ Գյոքհան Դուրմուշը նշել է, որ գործադուլ հայտարարելով՝ ցույց են տալիս, որ չեն հանձնվում։
Լիրայի արժեզրկումը Թուրքիայում գրեթե կիսով չափ կրճատել է BBC-ի աշխատակիցների աշխատավարձերի արժեքը։ Նրանք ցանկանում են աշխատավաձի բարձրացում և պահանջում, որ BBC-ից դրական կպատասխանեն իրենց կոչերին։ Լրագրողները հույս ունեն, որ BBC-ն կբավարարի իրենց պահանջները։
Էմմա Չոբանյան
