10.10.2026 | 17:13
ՀՀ ՊՆ ՌՈ պետն այցելել է բանակային դիրքեր
Սիրիայի՝ թուրքական վերահսկողության տակ գտնվող շրջաններում պայթյուններ են որոտացել․ զոհեր ու վիրավորներ կան
Քաղաքականություն
14.01.2022 | 19:35
Առնվազն երկու մարդ է սպանվել, մի քանիսն էլ՝ վիրավորել երեք առանձին պայթյունների, այդ թվում՝ մահապարտ ահաբեկչի պայթյունից հետևանքով, որոնք գրանցվել են Թուրքիայի կողմից վերահսկվող Սիրիայի հյուսիսային շրջաններում։ Այս մասին գրում է France 24-ը՝ վկայակոչելով AFP-ին։
Ըստ Մարդու իրավունքների սիրիական դիտարկման կենտրոնի՝ մահապարտ ահաբեկիչը հարձակվել է Աֆրինում թուրքական հսկողության տակ գտնվող բազայի վրա։ Կազմակերպությունն այս հարձակման հետևանքով զոհերի թիվ չի նշում։ Այնուամենայնիվ, դրա ղեկավար Ռամի Աբդել Ռահմանը նշել է, որ երկու մարդ է սպանվել Սիրիայի հյուսիսում առանձին պայթյունների հետևանքով։
Պայթյուններից մեկը տեղի է ունեցել Ալ-Բաբ քաղաքի շուկայում՝ պատերազմից ավերված Սիրիայի տարածքում, որը վերջին տարիներին դե ֆակտո վերածվել է թուրքական պրոտեկտորատի: Ըստ Ռահմանի՝ պայթյունի հետևանքով տասնյակ մարդիկ վիրավորվել են։
Մինչ այդ, Ազազ քաղաքում ականապատ մեքենա է պայթել․ զոհվել է մեկ մարդ, մի քանիսը՝ վիրավորվել։ Առայժմ հայտնի չէ՝ արդյո՞ք այս երեք պայթյունները կապ ունեն:
Բոլոր երեք քաղաքները Հալեպի նահանգում են և գտնվում են թուրքական ուժերի ու նրանց սիրիական պրոքսիների վերահսկողության տակ։
Էմմա Չոբանյան
