28.02.2026 | 22:10
Լամին Յամալն առաջին հեթ-տրիկն է գրանցել կարիերայում․ ՏԵՍԱՆՅՈՒԹ
ՀԱՊԿ ՊՆ ղեկավարները քննարկել են ի հայտ եկող սպառնալիքներին արագ արձագանքման մեխանիզմների կատարելագործումը
Քաղաքականություն
13.01.2022 | 18:34
ՀԱՊԿ անդամ երկրների պաշտպանության նախարարների խորհրդի նիստի ժամանակ քննարկվել է ի հայտ եկող սպառնալիքներին արագ արձագանքման մեխանիզմների կատարելագործումը, փոխանցում է ՏԱՍՍ-ը:
«Հանդիպման ընթացքում ՀԱՊԿ անդամ երկրների պաշտպանության նախարարները քննարկել են Ղազախստանի Հանրապետությունում խաղաղապահ գործողության արդյունքները, ինչպես նաև տարածաշրջանային անվտանգության ապահովման և ի հայտ եկող սպառնալիքներին արագ արձագանքման մեխանիզմների կատարելագործման հարցեր»,- հայտնել են կազմակերպությունից։
Նշվում է, որ ռազմական գերատեսչությունների ղեկավարներն առցանց նիստի ժամանակ համատեղ որոշում են ստորագրել՝ Ղազախստանից ՀԱՊԿ խաղաղապահների վերադարձի կազմակերպման և նրանց մշտական տեղակայման վայրեր ուղարկվելու մասին:
Տաթև Ֆռանգյան
