08.06.2026 | 21:45
Ջրվեժի գերեզմանատան մոտ մեքենա է այրվել
Արցախյան պատերազմի ադրբեջանցի մասնակիցները կրկին ոստիկանական բռնությունների են ենթարկվել
Քաղաքականություն
13.01.2022 | 17:13
Արցախյան 44-օրյա պատերազմի ադրբեջանցի մասնակիցները կրկին ոստիկանական բռնությունների են ենթարկվել։ Ադրբեջանական MeydanTV-ի հաղորդմամբ՝ պատերազմի մասնակիցներ Աղաբալա Վելիևն ու Թյուրք Էյվազզադեն հայտարարել են, որ բռնության են ենթարկվել իրավապահների կողմից։
Դեպքը տեղի է ունեցել հունվարի 11-ի գիշերը՝ ժամը 3-ի սահմաններում։ Նրանք պնդում են, որ 8 ոստիկան է եկել իրենց ռեստորան և ֆիզիկական ուժ կիրառել։ Տուժածները գիշերել են Սաբունչու շրջանի ոստիկանության 13-րդ բաժնում, ինչից հետո ստիպված են եղել անմիջապես հիվանդանոց գնալ։
Ըստ բժիշկների՝ Վալիևը ծնոտի կոտրվածք ունի, Էյվազզադեն՝ աչքերի տակ այտուցվածություն, ոտքին հասցված հարվածներն էլ սահմանափակել են շարժունակությունը։
Meydan TV-ին ՆԳ նախարարությունից հայտնել են, որ բռնության կիրառման մեղադրանքներն անհիմն են՝ նշելով, որ ռեստորանում խախտել են կարանտինային կանոնները, համապաստախան արձանագրություններ են կազմվել։
Տուժողներն ու նրանց ընկերները ցանկանում են, որ գործը հետաքննվի ու ոստիկանության աշխատակիցները պատժվեն։
Հիշեցնենք՝ առաջին դեպքը չէ, երբ Ադրբեջանում ոստիկանները բռնության ու ծեծի են ենթարկում պատերազմի մասնակիցներին։
Էմմա Չոբանյան
